Kókshetaýda Kólik jáne kommýnıkasııa vıse-mınıstri Azat Bekturovtyń qatysýymen qurylysy túgel qaıta jańǵyrtylǵan áýejaı kesheniniń ashylý saltanaty ótkizildi.
Kókshetaýda Kólik jáne kommýnıkasııa vıse-mınıstri Azat Bekturovtyń qatysýymen qurylysy túgel qaıta jańǵyrtylǵan áýejaı kesheniniń ashylý saltanaty ótkizildi.
Memleket basshysy Nursultan Nazarbaevtyń tapsyrmasymen júzege asyrylǵan joba 2010 jyly qolǵa alynyp, ekpindi qurylys ornynda 8,3 mıllıard teńge qarjy ıgerildi. Osynyń nátıjesinde ushý-qoný jolaǵy 2850 metrge ulǵaıtylyp, jolaýshylar termınaly saǵatyna 200 adamdy qamtıtyn qýatqa ıe boldy. Termınal eki teleskopııalyq traptan turatyn ushaqqa otyrǵyzý galereıasymen, kez kelgen aýqymdaǵy júk avtomatty túrde tekseristen ótkizilip, fıto-zoo-sanıtarlyq baqylaý júıesimen qamtamasyz etilgen. Munda jolaýshylarǵa qajetti qolaılylyqtardyń bári qarastyrylypty. Aerovokzalda bes bılet kassasy, aqparattyq jáne habarlaý qyzmeti, VIP jáne CIP zaldary jumys isteıdi. Áýejaıdyń júk ıntereskoptary men transporterleri, tehnıkalyq baǵyttaǵy qurylǵylary, janarmaı blogy, zerthanalyq aspaptar sheteldiń ozyq fırmalarynan jetkizilip, tolyq qýatynda jumys istep tur.
Kókshetaýdaǵy zamanaýı áýejaı kesheniniń iske qosylýy astanalyq oblys turǵyndary úshin ǵana emes, búkil elimiz úshin eleýli oqıǵa sanalady, dedi Kólik jáne kommýnıkasııa vıse-mınıstri Azat Bekturov. Barsha qaýymdy prezıdenttik iri jobanyń tabysty júzege asyrylýymen quttyqtaımyn. Qazaqstan Úkimetiniń jýyrdaǵy qaýlysymen osynaý aıryqsha mańyzdy nysanǵa halyqaralyq mártebe berildi. Bul halyqaralyq áýejaı Qazaqstan Respýblıkasynyń mańyzdy kólik ınfraqurylymy sanalady dep aıta alamyz. Sondaı-aq, zamanalyq talaptardy tolyq qamtıtyn nysan Aqmola oblysynyń damýyna, kýrortty óńirdiń kórkeıýine qaltqysyz qyzmet etedi dep senemiz.
Baqbergen AMALBEK,
«Egemen Qazaqstan».
KО́KShETAÝ.
