Keshe Qazaqstan Respýblıkasy Parlamenti Senatynyń Tóraǵasy Qasym-Jomart Toqaev BUU Bas hatshysynyń orynbasary, BUU-nyń Jenevadaǵy bóliminiń Bas dırektory laýazymyndaǵy qyzmetiniń aıaqtalýyna baılanysty Bernde Shveısarııa basshylyǵymen birqatar kezdesýler ótkizdi, dep habarlady Qazaqstan Respýblıkasy Parlamenti Senatynyń baspasóz qyzmeti.
Keshe Qazaqstan Respýblıkasy Parlamenti Senatynyń Tóraǵasy Qasym-Jomart Toqaev BUU Bas hatshysynyń orynbasary, BUU-nyń Jenevadaǵy bóliminiń Bas dırektory laýazymyndaǵy qyzmetiniń aıaqtalýyna baılanysty Bernde Shveısarııa basshylyǵymen birqatar kezdesýler ótkizdi, dep habarlady Qazaqstan Respýblıkasy Parlamenti Senatynyń baspasóz qyzmeti.
Shveısarııa Konfederasııasynyń Vıse-prezıdenti, Federaldyq Syrtqy ister keńesshisi (mınıstri) Dıde Býrkhalter BUU-nyń Jenevadaǵy bóliminiń bastyǵy laýazymyndaǵy Qasym-Jomart Toqaevtyń jumysynyń nátıjesin joǵary baǵalap, onyń jahandyq halyqaralyq ortalyq retinde Jenevanyń nyǵaıýyna edáýir úles qosqanyn aıryqsha atap ótti.
Q.Toqaev Shveısarııa úkimetine BUU qurylymdaryna udaıy járdemi úshin alǵysyn aıtty. Jyl saıyn BUU júıesiniń ondaǵan qurylymdary men konferensııalary úshin «baspana» retindegi ǵana emes, kúrdeli máseleler men qaqtyǵystardy retteý jónindegi negizgi alań retindegi Jenevanyń jahandyq róli arta túsýde.
Áńgime barysynda Astana men Bernniń halyqaralyq arenadaǵy yntymaqtastyǵy, ásirese, Shveısarııanyń 2014 jylǵy EQYU-ǵa tóraǵalyq etýi jáne 2017-2018 jyldarda Qazaqstannyń BUU Qaýipsizdik Keńesine turaqty emes múshesi bolýyna úmitkerligin ilgeriletý turǵysyndaǵy máseleler qaraldy.
Qazaqstan Parlamenti Senaty Tóraǵasynyń Shveısarııa Kantondary keńesiniń Prezıdenti Fılıppo Lombardımen kezdesýinde parlamentaralyq baılanystardyń keleshegi talqylandy. Onda EQYU jáne Eýropa Keńesi Parlamenttik assambleıalary aıasyndaǵy ózara is-qımyl, sondaı-aq zańnama ázirleý salasynda tájirıbe almasý týraly áńgime boldy. Q.Toqaev qazaqstandyq parlamentarıızmniń qazirgi zamandaǵy damý kezeńderi, saıası partııalardyń qyzmeti, Memleket basshysy Nursultan Nazarbaevtyń tıimdi parlamenttik jáne qoǵamdyq baqylaýdy qamtamasyz etý jónindegi bastamalary týraly áńgimeledi.
Q.Toqaev Qazaqstannyń «jasyl ekonomıkany» damytý, balama energetıka, aýyl sharýashylyǵy jáne kólik salasynda Shveısarııamen áriptestikti maqsat etip otyrǵanyn atap ótti. Astanadaǵy EKSPO-2017 halyqaralyq kórmesi osyndaı áriptestik úshin tamasha múmkindikter beredi.
Senat Tóraǵasy shveısarııalyq áriptesin Astanaǵa saparmen kelýge shaqyrdy. F.Lombardı shaqyrýdy alǵyspen qabyl alyp, Qazaqstanǵa ústimizdegi jyldyń qarashasynda kelýge ázirligin habarlady.
