Qaterli isiktiń beti qaıtpaı tur

Qazir Almaty aımaq­tyq kópsalaly klınıkada 8976 pasıent tirkeýde tur. Jalpy, jyl saıyn qaterli isikke shal­dyqqan 2 myńǵa jýyq adam esepke alynady. Al bıylǵy 6 aıda dıspanserlik 879 adam tekse­rilip, 709 turǵynnan dert­tiń alǵashqy belgileri anyq­talǵan.

– Jalpy onkologııalyq aýrýǵa shaldyqqan naýqastardyń koronavırýs ınfeksııasyn juqtyrý qaýpi joǵary. Sondyqtan qaýip­sizdik sharalaryn tolyq saq­taı otyryp, pasıentterdi ambý­latorııalyq jáne josparly túrde qabyldaýdy toqtatqan joqpyz. Alaıda jańa tártippen jumys isteýge týra keldi. О́ıt­keni pasıentke emdi úzdiksiz júrgizý qajet. Tipti blok-beket­ter ornatylǵan kezde aýdan ortalyǵy men aýyldarda turatyn pasıentterdi klınıkaǵa arnaıy jedel járdem brıgadalary tasymaldady. Sonyń nátıjesinde karantın ýaqytynda 2593 adam tolyqqandy em qabyldady, – deıdi klınıkanyń bas dırektory Saıahat Oljaev.

Osy aımaqtyq kópsalaly klınıkanyń mamandary pandemııa kezinde de naýqastarǵa ambýlatolyq qabyldaý júrgizip, dıagnostıkalyq zertteý jasaýdy toqtatqan joq. So­nymen qatar, aýdandarda pallıa­tıv­tik jáne meıirbıkelik kómek­tiń qoljetimdiligin arttyrý úshin mobıldi brıgadalar uıym­dastyrylǵan. Mobıldi brıgadanyń qyzmetkerleri karantın kezinde 4704 naýqasqa kómek kórsetken eken. Aıtpaqshy, oblysta 165 jedel járdem brıgadasy jumys isteıdi. Alty aı aralyǵynda mobıldi top 300 myńnan astam shaqyrýǵa qyzmet kórsetken. Iаǵnı 2019 jyldyń sáıkes merzimimen sa­lys­tyrǵanda shaqyrýlar sany 2 esege ósken. Oblys ákimdigi ta­ra­pynan jedel járdem qyzmet­kerleriniń júktemesin jeńil­detý kólik sanyn kóbeıtý úshin qosymsha qarjy bólinip otyr. Osy maqsatta jyl sońyna deıin qosymsha 100 jedel járdem kóligi kelmek. Atap aıtqanda, 70 kólik lızıngimen, 30 kólik jergilikti bıýdjet qarjysyna satyp alynbaq.

Aty jaman aýrýdyń kúrt kóbeıýin onkolog dárigerler bir­neshe faktorǵa silteıdi. Tabıǵı patalogııanyń asqynýy men syrt­qy jaraqat saldarynan paı­da bolatyn obyr túrlerin aıtpaǵanda, qazir rak isiginiń asqynýyna áleýmettik jaǵdaı jıi áser ete bastapty. Adamnyń júıkesine túsken salmaq pen salamatty ómir saltynyń saq­talmaýy derttiń paıda bolýyna ǵana emes, em qonbaıtyn deńgeıge deıin jetýine sebepshi bolyp otyr eken. Qalaı bolǵan­da da onkologııalyq aýrýǵa shal­­dyq­qandardyń qatary jyl saıyn azaımaı turǵany aqı­qat. О́ıtkeni Dúnıejúzilik den­saýlyq saqtaý uıymynyń deregi boıynsha qazir ǵalam­sharda qaterli isik aýrýyna shal­dyqqan 20 mıllıonnan astam naýqas bar. Onyń ishinde aty jaman derttiń alǵashqy belgisi jyl saıyn 30 myń adamnyń boıynan anyqtalady. Al Qazaqstanda obyr dıagnozymen 180 myńnan astam turǵyn tirkeýge alynǵan.

Almaty oblysy