Maıdanger qujaty tabyldy

Maıdan dalasynda joǵalǵan maıdanger 1922 jyly burynǵy Gýrev oblysy, Teńiz aýdanynyń Jambyl kolhozy, Muratov aýyldyq keńesinde dúnıege kelgen. Ekinshi dúnıejúzilik soǵysqa alǵashqylardyń qatarynda attanyp, 1941 jyly Chehoslavakııa eliniń aýmaǵynda iz-túzsiz joǵalyp ketipti. Sodan beri bir deregi tabylmap edi.

Oblys ákiminiń orynbasary Ba­qyt­gúl Hamenovanyń málimetinshe, maıdangerdiń qujattary men port­reti Reseı Federasııasynyń Vol­gograd qalasyndaǵy mýzeıde saq­talypty. Mıllıondardyń ómirin qıǵan Ekinshi dúnıejúzilik soǵystyń batyryna tıesili zattar týystaryna tapsyryldy.

– Qan maıdannan oralmaǵan aza­­mattar týraly derekterdi jı­naq­taýmen «Atamnyń amanaty» qoǵamdyq qory aınalysyp júr. Búginde atalǵan qor Reseı Federasııasynyń «Poıskovoe dvıjenıe Rossıı» qoǵamdyq birlestigimen memorandýmǵa qol qoıǵan. Ekijaqty áriptestiktiń nátıjesinde maıdanger Temiráli Sársenǵalıevtiń portretiniń kóshir­mesi men qujattary tabyldy, – dedi Baqytgúl Hamenova.

Jat elde iz-túzsiz joǵalyp, ha­bar­­syz ketken maıdanger Temir­áli Sársenǵalıevtiń «Qyzyl Jul­dyz», Stalınıngradty mına­dan ta­­zartýdaǵy janqııarlyǵy úshin II dá­rejeli «Otan soǵysy» orden­derimen marapattalǵany anyqtalyp otyr.

Atyraý oblysy