Budan birneshe kún buryn Sankt-Peterbýrgtegi «Eksperıment» teatry qazaqtyń kórnekti jazýshy-dramatýrgy Dýlat Isabekovtiń «Eski úıdegi kezdesý» atty pesasyn sahnaǵa shyǵardy. Neva jaǵalaýyndaǵy qalanyń óner ujymy bul dramalyq týyndydan týǵan qoıylymdy «Tranzıtnyı passajır» dep atady.
Budan birneshe kún buryn Sankt-Peterbýrgtegi «Eksperıment» teatry qazaqtyń kórnekti jazýshy-dramatýrgy Dýlat Isabekovtiń «Eski úıdegi kezdesý» atty pesasyn sahnaǵa shyǵardy. Neva jaǵalaýyndaǵy qalanyń óner ujymy bul dramalyq týyndydan týǵan qoıylymdy «Tranzıtnyı passajır» dep atady.
«Eski úıdegi kezdesý» – Dýlat Isabekovtiń keńinen tanylǵan pesalarynyń biri. Osy kezge deıin ol Qazaqstandy bylaı qoıǵanda, álemniń kóptegen elderiniń teatr sahnalarynda tabysty qoıylyp úlgergen. Bul joly talantty jazylǵan týyndyǵa reseılik rejısserler nazar aýdarypty.
Pesaǵa ózek etip alynǵan oqıǵalar ótken ǵasyrdyń 80-jyldarynda Almaty qalasynda oryn alǵan. Shyǵarmanyń bas keıipkeri araǵa 20 jyl salyp, óziniń burynǵy páteriniń tabaldyryǵynan attaıdy. Osynda kelip, onyń jańa turǵyndarymen tanysady. Mine, solardyń dıalogtary arqyly dramatýrg zamannyń ózekti máselelerin sýyrtpaqtap alǵa shyǵarady. Adamdardyń qatygezdigi, meıirimsizdigi, bir-birine nemquraıdylyǵy áńgimeniń negizgi arqaýyna aınalady.
Jazýshy kótergen sol problemalar kúni búgin de óziniń aktýaldylyǵyn joıǵan joq. Muny Sankt-Peterbýrgtegi qoıylym taǵy da baıqatty. Jurtshylyq spektakldi óte jyly qabyldady. Sondyqtan da kórermen qaýym qoıylym aıaqtalǵannan keıin birden tarap ketpeı, ondaǵy kóterilgen máselelerdi qyzý talqylady.
Jalpy, «Eski úıdegi kezdesý» – Dýlat Isabekovtiń Neva jaǵasyndaǵy qala teatrlarynda qoıylyp otyrǵan úshinshi pesasy. Buǵan deıin bul týyndy Koreıa, Túrkııa, Bolgarııa jáne Ázerbaıjan sııaqty elder sahnalarynda qoıylǵan bolatyn. Jaqyn arada ol London tórinen de kórinedi dep kútilýde.
Murat AITQOJA.
