Elordada qandaı sport nysandaryna jóndeýdeý jmystary jasalyp jáne sporttyq nysandardyń qurylysy týraly Nur-Sultan qalasynyń dene shynyqtyrý jáne sport bólimi habarlady.
Qalada "Jumyspen qamtýdyń jol kartasy" baǵdarlamasy boıynsha úsh sport nysanynda jóndeý jumystary júrgizilýde. Osylaısha, "Tolqyn" sport kesheni aǵymdaǵy jóndeýden ótýde. Qazirgi ýaqytta keshenniń shatyryn kúrdeli jóndeýden aıaqtaldy. "Astana Arena" stadıonynda fýtbol alańdary, kıim aýystyratyn bólmeler men kireberister jańarýda.
Sondaı-aq, Nur-Sultan qalasyndaǵy "Qazaqstan" sport saraıyn aqyldy tehnologııalardy qoldana otyryp modernızasııalaý jáne paıdalanýǵa berý jobasy jasalýda. Qazir joba qujattamany bekitý kezeńinde.
Jalpy, "Jumyspen qamtýdyń jol kartasy-2020" memlekettik baǵdarlamasy aıasynda elordada 15 myń jańa jumys orny quryldy.
"Qazanat" ıppodromy aýmaǵynda ıppoterapııa ádisin qoldana otyryp, múgedek balalardy ońaltý úshin at sporty ortalyǵyn salý jumystary júrgizilýde. Onyń syıymdylyǵy 250 adamǵa arnalǵan. Nysanda 600 oryn bar. Joba jeke qarjylyq bastama boıynsha memlekettik-jekemenshik seriktestik aıasynda júzege asyrylýda.
IAAF Halyqaralyq jeńil atletıka federasııalar qaýymdastyǵynyń talaptaryna tolyq sáıkes, jabyq úı-jaılarda jeńil atletıka boıynsha halyqaralyq jáne respýblıkalyq jarystardy ótkizetin jeńil atletıka sport kesheni paıdalanýǵa beriledi. Bul nysannyń ashylýymen elordada sportshylardy halyqaralyq jarystarǵa, sonyń ishinde álem chempıonattary men jazǵy Olımpıada oıyndaryna daıyndaýǵa arnalǵan zamanaýı joǵary tehnologııalyq baza paıda bolady.
Ilınka, Kóktal-2, О́ndiris, Jeleznodorojnyı turǵyn alaptarynda tórt dene shynyqtyrý-saýyqtyrý kesheni salynýda.
Aıta keteıik, Nur-Sultanda búginde 30 iri sport nysany jumys isteıdi, onyń 18-i memlekettik, 12-si jeke menshik.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
