"Farap qalasynda bıýdjet qyzmetkerleri jergilikti smart-teledıdarlar satyp alýǵa nusqaý aldy. Osy 32 dıýımdik "Tolkýn" teledıdarynyń árqaısysy 2400 Manat (686 dollar) turady", deıdi Lebap oblysyndaǵy basylym tilshisi.
Jergilikti bılik bıýdjet qyzmetkerlerine teledıdar úshin aqshany aı saıyn 500 Manat (143 dollar) jalaqydan ustap turatynyn eskertken. Biraq olar teledıdardy 2021 jyldyń qańtarynda ǵana ala alady.
Túrkimenstan ótken jyldyń sońynda smart-teledıdarlar shyǵarý josparyn jarııalaǵan edi. Aıdyn Gıdjelerı birlesken kásipornynda 32 dıýımdik, 42 dıýımdik jáne 55 dıýımdik teledıdarlar shyǵarý josparlanǵan bolatyn. Resmı tulǵalardyń málimdeýinshe, mamandar shetelde oqyp kelgen.
Al sarapshylar jýrnalısterge eldegi Internettiń nasharlyǵyna baılanysty smart-teledıdardyń kóptegen fýnksııalary, tipti joǵary sapaly jabdyq bolǵan jaǵdaıda da, jergilikti turǵyndar úshin qoljetimdi bolmaıtynyn aıtty.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
