"Qazaqstanda básekeles ónimdi jasaý máselesi ǵana emes, sondaı-aq ony shetelge – jerdiń qıyr shetine Eýropaǵa nemese Amerıkaǵa jetkizip, satý máselesi tur. Mundaı shalǵaı jerlerge tar sheńberde mamandandyrylǵan taýarlardy ǵana shyǵarý tıimdi. Biraq qalǵan barlyq ónimder boıynsha básekelesý bizge óte qıyn. Sondyqtan árqashan jaqyn jerdegi kórshilermen saýdalasý tez jáne tıimdi", - dedi mınıstr.
Onyń sózinshe, kóptegen ıntegrasııalyq birlestikter saýda belsendiligin tanytýda, al EAEO-da ishki saýda kórsetkishi óte tómen. Atap aıtqanda, Eýropalyq odaqta EO ishinde saýda kólemi 63%, NAFTA – 47%. Eýrazııalyq ekonomıkalyq odaqta bul kórsetkish 14%-ten astam emes.
"О́ńirlendirý jáne ekonomıkalyq ıntegrasııa máseleleri búgingi jaǵdaıda óte mańyzdy. Biz osy alańda ulttyq múddelerimizdi qorǵaıtyn bolamyz", - dedi B. Sultanov.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
