Elordadaǵy epıdemıologııalyq jaǵdaı týraly Qoǵamdyq densaýlyq saqtaý basqarmasynyń basshysy Tımýr Muratov COVID-19 baǵdarlamasynda aıtyp berdi. Onyń aıtýynsha, búginde qala boıynsha jaǵdaı tolyqtaı turaqtaldy.
"Nur-Sultan qalasyndaǵy indettiń órbýi kezinde halyqqa medısınalyq kómek uıymdastyrýda 16 emdeý mekemesi tartyldy. Búginde 9 stasıonardy jaýyp otyrmyz. Birinshi soqqy árdaıym jedel járdem qyzmeti men ambýlatorly emhana qyzmetine tıedi. Osy oraıda biz qazir jedel járdemniń materıaldyq-tehnıkalyq bazasyn nyǵaıtyp kelemiz. Búginde 100-ge jetetin brıgadalardyń sanyn qyzmettiń ózinde kóbeıtýge múmkindik týyp otyr. Qalalyq emhanalarda shuǵyl kómek kórsetý bólimshelerinde qazirdiń ózinde 60 brıgada bar", dedi Tımýr Muratov.
Sondaı-aq Basqarma tarapynan jedel kómek kórsetý úshin 207 mobıldi brıgada uıymdastyrylǵanny aıtty. Brıgada quramyna medısınalyq kómek kórsetetin ýchaskilik dáriger jáne beıindi mamandardan kiredi. Birqatar qalalyq aýrýhanalar ózderiniń qalypty rejımine kóship, josparly jumystaryna kiristi. Osylaısha, qazir aýrýhanaǵa em qabyldaý úshin kezegin kútken naýqastar, sozylmaly aýrýlary bar naýqastar aýrýhana qabyrǵalarynda qajetti medısınalyq kómek ala alady.
"Barlyq profılaktıcheskalyq sharalardy saqtaǵan óte mańyzdy. Maska kııý, ara-qashyqtyqty saqtaý, halyq kóp jınalatyn jerlerge barýdan bas tartý", qorytyndylady Tımýr Mýratov.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
