«Agro Stroı Inder» JShS-nyń 2019 jyldyń qorytyndysy boıynsha tarıftik smetasynyń oryndalýyna júrgizilgen taldaý barysynda Ulttyq ekonomıka mınıstrligi Tabıǵı monopolııalardy retteý komıtetiniń Atyraý oblysy boıynsha departamenti «Tabıǵı monopolııalar týraly» Qazaqstan Respýblıkasy Zańynyń 26-babynyń 2-tarmaǵynyń 15) tarmaqshasy, atap aıtqanda bekitilgen tarıftik smetany oryndaý talabynyń saqtalmaǵandyǵyn anyqtady.
2019 jylǵa «Agro Stroı Inder» JShS-nyń Inder aýdany sýdy taratýshy jeliler arqyly berý jónindegi rettelip kórsetiletin qyzmeti boıynsha Ulttyq banktiń qaıta qarjylandyrý mólsherlemesin qosa eseptegendegi negizsiz alynǵan tabysynyń somasy Bódene aýyly boıynsha – 4 744 480 teńge; О́rlik aýyly boıynsha – 7 061 760 teńgeni quraıdy.
Osyǵan sáıkes, departament osy jyldyń 1 qazanynan bastap, «Agro Stroı Inder» JShS-ne ýaqytsha ótemdik tarıfi QQS-syz Bódene aýyly boıynsha tekshe metrine 240,93 teńge nemese qoldanystaǵy tarıfpen salystyrǵanda 21,9%-ǵa tómendetýmen, О́rlik aýyly boıynsha tekshe metrine 184,34 teńge nemese qoldanystaǵy tarıfpen salystyrǵanda 21,9%-ǵa tómendetýmen engizedi.
Atyraý oblysynyń Isataı aýdanynda birqatar qyzmetterge tarıfter tómendetildi. «Qamysqala sý arnasy» JShS-da 2019 jyldyń qorytyndysy boıynsha bekitilgen tarıftik smetany oryndaý talabyn saqtamaǵan.
2019 jylǵa «Qamysqala sý arnasy» JShS-nyń Isataı aýdanyna rettelip kórsetiletin qyzmetteri boıynsha Ulttyq banktiń qaıta qarjylandyrý stavkasyn qosa eseptegendegi negizsiz alynǵan tabysynyń somasy: Aqqystaý, Janbaı, Tushyqudyq, Zıneden eldi mekenderi boıynsha taratýshy jelileri arqyly sýdy berý – 12 893 290 teńge; Aqqystaý aýyly sarqyndy sýlardy burý – 1 843 810 teńge; Isataı aýdanyna jylý energııasyn óndirý, berý, bólý jáne jabdyqtaý – 664 530 teńgeni quraıdy. Osyǵan sáıkes, departament bıyl jyldyń 1 qazannan bastap, «Qamysqala sý arnasy» JShS-nyń rettelip kórsetiletin qyzmetterine ýaqytsha ótemdik tarıfi QQS-syz atalǵan aýyldar boıynsha taratýshy jelileri arqyly sýdy berýdi tekshe metrine – 202,32 teńge nemese qoldanystaǵy tarıfpen salystyrǵanda 13%, sonyń ishinde halyqqa – 200,2 teńge nemese qoldanystaǵy tarıfpen salystyrǵanda 13%, basqa tutynýshylarǵa 399,60 teńge nemese qoldanystaǵy tarıfpen salystyrǵanda 13%-ǵa tómendetýmen, al Aqqystaý aýyly sarqyndy sýlardy burý tekshe metrine 115,71 teńge nemese qoldanystaǵy tarıfpen salystyrǵanda 6%, sonyń ishinde halyqqa – 110,9 teńge nemese qoldanystaǵy tarıfpen salystyrǵanda 6%, basqa tutynýshylarǵa 226,83 teńge nemese qoldanystaǵy tarıfpen salystyrǵanda 6%-ǵa tómendetýmen berilmek. Sondaı-aq Isataı aýdanyna jylý energııasyn óndirý, berý, bólý jáne jabdyqtaý – 4548,80 teńge/Gkal nemese qoldanystaǵy tarıfpen salystyrǵanda 9,94%-ǵa tómendetýmen engizedi.
