Sońǵy aptada Ońtústik Koreıada ınfeksııanyń kún saıynǵy ósimi 56-dan 297-ge deıin kóterildi. Bul sońǵy bes aıdaǵy jańa rekord.
Sońǵy ret kúnine eń kóp aýrý juqtyrǵandar 8 naýryzda tirkelgen, bul kezde elde 367 adam ınfeksııa juqtyrǵan edi. KCDC málimeti boıynsha, elde tirkelgen 315 jaǵdaıdyń 125-i Seýlde jáne taǵy 102-i Kıongı provınsııasynda oryn alǵan.
Tek toǵyz naýqas qana ınfeksııany shetelge shyǵyp juqtyryp kelgen.
Bul jaǵdaılardyń kúrt ósýi keıbir jergilikti shirkeýler men bazarlarda vırýstyń taralýyna baılanysty bolyp otyr. Jaǵdaıdyń nasharlaýyna 15 tamyz - táýelsizdik kúninde Seýlde myńdaǵan adam jınap, narazylyq aksııasyna shyqqan Saran Cheil konservatıvti Presvıterıan shirkeýiniń jaqtaýshylary da áser etip otyr.
Shirkeýdiń basshysy pastor Iýng Kvang Hýn da mıtıngige qatysyp, koronavırýspen aýyrǵanyna qaramastan, maska taqpaı turǵyndarmen baılanys ornatqan. Buǵan deıin oǵan oqshaýlaýdy buzǵany úshin jáne karantın jaǵdaıynda tergeýge kedergi keltirgeni úshin aıyp taǵylatyny habarlanǵan edi.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz
