Adamzattyń ótkeni men keleshegine oı júgirtip, odan óz halqymyzdyń júrip ótken joldaryna jeteleıtin kezekti rýhanı dúnıe talǵampaz oqyrmandarǵa jol tartty.
Almatydaǵy QR Ulttyq kitaphanasynyń Kórme zalynda belgili saıasattanýshy, pýblısıst, Qazaqstan Jýrnalıster akademııasynyń jáne qazaq Pen-klýbynyń múshesi, «Mysl» jýrnalynyń bas redaktory Seıdahmet Quttyqadamnyń «Oljas kitaphanasy» baspa úıi jaryqqa shyǵarǵan «Dao Altaıa» kitabynyń tusaýkeseri ótti.
Adamzattyń ótkeni men keleshegine oı júgirtip, odan óz halqymyzdyń júrip ótken joldaryna jeteleıtin kezekti rýhanı dúnıe talǵampaz oqyrmandarǵa jol tartty.
Almatydaǵy QR Ulttyq kitaphanasynyń Kórme zalynda belgili saıasattanýshy, pýblısıst, Qazaqstan Jýrnalıster akademııasynyń jáne qazaq Pen-klýbynyń múshesi, «Mysl» jýrnalynyń bas redaktory Seıdahmet Quttyqadamnyń «Oljas kitaphanasy» baspa úıi jaryqqa shyǵarǵan «Dao Altaıa» kitabynyń tusaýkeseri ótti.
«Dao Altaıa» – avtordyń úshinshi kitaby. Buǵan deıin jaryq kórgen «Slýjenıe nasıı» jáne «Kazahskaıa drama» kitaptary da oqyrman qaýymǵa jaqsy tanys. «Dao Altaıa» taqyryptyq jaǵynan aldyńǵy eki kitabynan ózgeshe. «Slýjenıı nasıı», «Kazahskaıa drama» kitaptary taqyryby jaǵynan saıası sıpatta bolsa, «Dao Altaıa» – avtordyń ejelgi tarıhqa saıahaty. Seıdahmet Quttyqadam bul eńbeginde zertteýshilik janrdy, ıaǵnı Bastapqy bilimniń jáne qazirgi órkenıetke tónip turǵan qaýiptiń sebep-saldaryn ashyp kórsetken.
Bul oraıda avtor álemdik jáne otandyq tarıh týraly óziniń erekshe boljamyn jasaıdy. Qazirgi tańda álemde kóptegen ejelgi arheologııalyq artefaktiler jınaqtalyp qaldy, olarǵa áli kúnge deıin qazirgi zamannyń tarıh ǵylymy turǵysynan túsinikteme berilgen joq. Sondyqtan aınalamyzda NLO jáne beıálemdik sana kórinis tabýda. Atalǵan máseleler jańa kózqarasty jáne olardy tarıhı paradıgma sheńberinde, logıkalyq, júıeli turǵydan qarastyrýdy qajet etedi. Seıdahmet Quttyqadam bul kúrdeli saýaldarǵa óziniń jaýabyn usynady.
Shara barysynda Seıdahmet Quttyqadamnyń ómiri men shyǵarmashylyǵynan syr shertetin kórme uıymdastyryldy.
Tusaýkeser rásimine qoǵam qaıratkerleri, tanymal jazýshylar, joǵary oqý oryndarynyń stýdentteri, sondaı-aq, Almaty qalasynyń kitaphanashylary qatysyp, jańa kitap tóńireginde oı-pikirlerin ortaǵa saldy.
Aınash ESALI,
«Egemen Qazaqstan».
ALMATY.
