Elbasy N.Nazarbaev jumys saparymen Qyzyljar óńirinde bolǵan kezde aýa raıynyń qolaısyzdyǵyna qaramastan bitik egin ósirgen dıqandar qaýymynyń qajyrly eńbegine joǵary baǵa berip, Otan qambasyna kemi 5 mıllıon tonna el rızyǵyn quıýdy tapsyrǵan bolatyn.
Elbasy N.Nazarbaev jumys saparymen Qyzyljar óńirinde bolǵan kezde aýa raıynyń qolaısyzdyǵyna qaramastan bitik egin ósirgen dıqandar qaýymynyń qajyrly eńbegine joǵary baǵa berip, Otan qambasyna kemi 5 mıllıon tonna el rızyǵyn quıýdy tapsyrǵan bolatyn.
Qazirgi qarqynǵa qaraǵanda, soltústikqazaqstandyqtardyń ýáde údesinen shyǵary anyq. Oblystyq aýyl sharýashylyǵy basqarmasy mamandarynyń aqparaty boıynsha, egistik alqaptardan jınalǵan altyn dán 4,5 mıllıon tonnany qurap otyr. Kúzdiń jaýyn-shashyndy bolýyna baılanysty altyn oraqtyń áli aıaqtalmaǵanyn ári byltyrǵyǵa qaraǵanda gektar berekeliligi 4 sentnerge joǵary ekenin eskersek, bergen ýádeniń artyǵymen eńseriletin túri bar.
Maǵjan, Qyzyljar, Aıyrtaý aýdandarynyń eginshileri jaýapty naýqandy oıdaǵydaı aıaqtap, gektar ónimdiligin 17-15,7 sentnerge jetkizdi. Jekelegen sharýashylyqtardyń kórsetkishi tipti qomaqty. «Mámbetov jáne K» komandıttik seriktestiginiń dırektory Erkebulan Mámbetov bastaǵan ujym 15884 gektar alqaptyń dánin esh shashaýsyz quıyp aldy. Osyndaǵy «Otan» ordeniniń ıegeri Arystan Júnisov jetekshilik etetin Bekseıit bólimshesi ár gektardan 20 sentnerden ónim alyp, jarys kóshin bastasa, Ersaıyn Ǵabdýllın, Aǵybaı Shormanbaev sekildi maıtalman mehanızatorlar 19000-15000 tonna astyq bastyrdy. Osylaısha, oraq ozattarynyń kúzgi oraq kezinde tapqan eńbekkúni 350 myńnan 600 myń teńgeni quraýy mańdaı terdiń aqtalǵanyn kórsetse kerek. 700 myń gektar jerge egin ósirgen Ǵ.Músirepov aýdany shıraq qımyldyń arqasynda astyq jınaý jumystaryn támamdady. «Chervonnoe-Agro», «Álibı-Ishım», «Vozvyshenka-SK», taǵy basqa sharýashylyqtar joǵary eńbek úlgisin kórsete bildi. Kúzgi oraqty utymdy uıymdastyrǵandardyń biri – «Daıyndyq» JShS. Birjan Shaımerdenovtiń jetekshiligindegi ujym egin orýdyń ońtaıly tásilderin tıimdi qoldana otyryp, 10 myń gektar jerge sińirilgen dándi daqyldardyń shyǵymdylyǵyn 21 sentnerden aınaldyrdy. Maıly daqyldardyń shyǵymdylyǵy da osy shamalas.
– Búginde óńirde dándi, maıly, jemazyqtyq daqyldardyń sońǵy tanaptary bastyrylyp, negizgi jumys qyrmandarǵa aýysqan. Aqqaıyń aýdany «Poltavka» JShS 9000 gektar bıdaıdy, 2000 gektar arpany, 317 gektar burshaqty tolyq jınap, qyrmandarda tazartylǵan dán elevatorlarǵa kidirissiz jóneltilýde. Elbasynyń eginshilik salasyn ártaraptandyrý tapsyrmasyna sáıkes tabysy mol daqyl – raps egýmen de aınalysyp kelemiz. Bıyl onyń kólemin 2 myń gektardan asyrdyq. Aldaǵy ýaqytta kútip-baptaý tehnologııasyn tereń ıgerip, tehnıka parkin nyǵaıtatyn bolamyz. Jınalǵan ónimniń 60 paıyzdaıyn satyp, qalǵanyn qoımalarda saqtamaq oıymyz bar, – dedi E.Zikirın.
Mamlıýt aýdanyna qarasty «Bredýn» komandıttik seriktestigi jınalǵan astyqty tazalap, keptirgennen keıin syıymdylyǵy 5,5 myń tonnalyq eki astyq qoımasyna quıyp alypty. Qalǵanyn Mamlıýt un kombınatynyń elevatoryna jóneltýde. Túgeldeı úshinshi suryppen qabyldanypty. О́ıtkeni, mehanıkalyq qyrmandarda óńdelgen astyqtyń ylǵaldylyǵy 11-13 paıyzdan aspaıdy.
Jalpy syıymdylyǵy 3,5 mıllıon tonna bolatyn 55 elevatorǵa jetkizilgen astyqtyń 90 paıyzdan astamy úshinshi surypqa jatady. Aýa raıynyń kúrdeliligi barynsha eskerilip, 123 astyq keptirgish iske qosylǵan.
О́mir ESQALI,
«Egemen Qazaqstan».
Soltústik Qazaqstan oblysy.
