Oǵan QR Ekologııa, geologııa jáne tabıǵı resýrstar vıse-mınıstri Erlan Nysanbaev, QR Mádenıet jáne sport vıse-mınıstri О́rken Bısaqaev, «Kazakh Tourism» UK» AQ basqarma tóraǵasy Erjan Erkinbaev jáne basqa sarapshylar qatysty.
Tusaýkeser basynda Ekologııa vıse-mınıstri E.Nysanbaev qazirgi kezde búkil álemde ekotýrızm óte tanymal bolyp kele jatqanyn atap ótti. О́tken jyly Qazaqstan Respýblıkasy Úkimetiniń qaýlysymen eldiń týrıstik salasyn damytýdyń 2019-2025 jyldarǵa arnalǵan memlekettik baǵdarlamasy qabyldandy. Memlekettik baǵdarlamanyń 10 basym baǵytynyń biri -quramynda 4 ulttyq park (Altyn-Emel, Sharyn, Kólsaı kólderi jáne Ile-Alataý) bar Almaty oblysynyń taý (shańǵy) klasteri.
Ol ótken jyly 20 myńnan astam adam kelgen Sharyn ulttyq parkindegi týrıstik ınfraqurylym zamanaýı talaptarǵa saı kelmeıtinin jáne kelýshilerdiń tolyqqandy ári jaıly turýy úshin jaǵdaı jasalmaıtynyn atap ótti. Osyǵan oraı, Mınıstrlik Qazaqstan Respýblıkasynyń Mádenıet jáne sport mınıstrligimen jáne «Qazaq týrızmi» UK» AQ-pen birlese otyryp, AQSh-tyń halyqaralyq tájirıbesin zerdeledi, quqyqtyq bazany, tásilder men tetikterdi zerttedi, sonymen qatar ekologııalyq týrızmdi damytýdyń negizgi prınsıpterin anyqtady. Halyqaralyq tájirıbeni eskere otyryp, ulttyq parkterde ekologııalyq týrızmdi damytýdyń tujyrymdamalyq tásilderi belgilendi.
Sonymen qatar, týrıstik baǵyttar men joldardy damytýǵa basa nazar aýdarylady, sonymen qatar jeńil qurylymdardy qoldana otyryp, kúrdeli qurylystarsyz zamanaýı saparlaý ortalyqtaryn, glempıngter, kempıngter, etno-aýyldar men karavanıngter qurý josparlanýda. Bul tabıǵı ortadaǵy kúızelisterden aýlaq bolýǵa, qyzmet kórsetý sapasyn qamtamasyz etetin biryńǵaı týrıstik ónim qurýǵa múmkindik beredi.
Sharyn ulttyq parkinde E.Nysanbaevtyń aıtýynsha, jeke ınvestısııalardy tartý arqyly qazirgi zamanǵy 2 kelý ortalyǵyn ornalastyryp, 4 jaıaý týrıstik marshrýtty uıymdastyrý, túnemelik oryn saılaý, sonymen qatar etno-aýyl qurý, 3 kórý alańy, glempıng alańdary, kempıngter, kerýen alańdary, tamaqtaný oryndary men kádesyı ónimderin satý oryndaryn ornatý belgilenýde. Sonymen birge shatqaldaǵy rekreasııalyq júktemeni azaıtý úshin týrısterge qyzmet kórsetetin barlyq nysandardy shatqaldardyń syrtynda ornalastyrý arqyly ekotýrızmdi damytý josparlanǵan.
Bul jospardy iske asyrý úshin, eger joba kópshilikpen talqylaǵannan keıin qabyldansa, ashyq konkýrs arqyly bolashaq ınvestorlardy tartý kózdeledi. Sonymen birge, Ekologııa mınıstrligi buǵan deıin birneshe ret atap ótkendeı, ulttyq parkterdiń jerleri Qazaqstan Respýblıkasynyń zańyna sáıkes, memleket menshiginde tolyqtaı qala otyryp, jeke tulǵalardyń ıeligine eshqandaı jaǵdaıda berilmeıdi. Týrızmdi damytý úshin bólingen jerler eger ınvestor óz mindettemesin oryndamasa, kelisimshartty kez kelgen ýaqytta buzý múmkindigimen ýaqytsha paıdalanýǵa beriledi.
Sonymen qatar, tusaýkeser aıasynda E.Nysanbaev, QR EGTRM Ekologııalyq retteý jáne baqylaý komıtetiniń tóraǵasy Zulfyhar Joldasov, sondaı-aq Ulttyq parktiń ókilderi qoǵam ókilderiniń suraqtaryna jaýap berdi. Barlyq kóterilgen suraqtar, eskertýler men usynystar jobany ári qaraı daıyndaýda eskeriletin bolady, dep habarlady Ekologııa mınıstrligi.
