Aımaqtar • 22 Tamyz, 2020

Petropavlda mas kúıinde kólik júrgizgen 61 jastaǵy júrgizýshi ustaldy

117 ret

kórsetildi

1 mın

oqý úshin

Petropavl qalasynda jolda apattyq jaǵdaı týǵyzǵan 61 jastaǵy mas júrgizýshi ustaldy. Ony jol qaýipsizdigin jáne qoǵamdyq tártipti qamtamasyz etý boıynsha keshki reıd júrgizý kezinde Naberejnaıa kóshesinde patrýldik polısııa batalonynyń qyzmetkerleri toqtatty. Volkswagen Passat avtokóligimen jolda apattyq jaǵdaı týǵyzǵan. Tekserý kezinde júrgizýshiden alkogoldiń ótkir ıisi ańqyp turǵany anyqtaldy. Dárigerdiń qorytyndysy boıynsha onyń masań ekendigi dáleldendi, dep habarlaıdy Egemen.kz.

Jaqsybaı SAMRAT

Petropavlda mas kúıinde kólik júrgizgen 61 jastaǵy júrgizýshi ustaldy

Nátıjesinde kólik arnaıy turaqqa qoıylyp, júrgizýshi qalalyq Polısııa basqarmasyna jetkizildi. Oǵan qatysty Ákimshilik quqyq buzýshylyq týraly kodekstiń «Júrgizýshiniń kólik quralyn alkogoldik masań kúıde basqarýy» boıynsha ákimshilik hattama toltyryldy. Bappen 15 táýlikke qamaýǵa alý jáne 7 jylǵa júrgizýshi kýáliginen aıyrý kózdelgen. Prosessýaldyq sheshim qabyldaý úshin materıaldar mamandandyrylǵan ákimshilik sotqa ótkizildi.

Polısııa departamenti bastyǵynyń birinshi orynbasary, polısııa polkovnıgi Qanat Aıtbaev jol qozǵalysy erejeleriniń óreskel buzýshylyqtaryn anyqtaý jáne aldyn alý turaqty baqylaýda dep atap ótti. Jyl basynan beri SQO joldarynda kólikti masań kúıde júrgizgen 624 júrgizýshi ustaldy.