Polkovnık Marat Nurymbet – Qazaq memlekettik zań ınstıtýtynyń túlegi. Ol Ulttyq qaýipsizdik komıteti men Memlekettik kúzet qyzmeti júıesinde túrli basshylyq qyzmetter atqarǵan, onyń ishinde qarsy barlaý jáne jedel-izdestirý sharalary terrorıstik aktilerge qarsy is-qımyldy uıymdastyrýda tájirıbesi mol. Áskerı polısııa organdaryna júktelgen mindetterdiń mańyzdylyǵyn eskere otyryp, qorǵanys vedomstvosynyń basshysy áskerı polısııa bas basqarmasynyń bastyǵyn jeke ózi tanystyrdy.
Mınıstr atap ótkendeı, "búginde qorǵanys vedomstvosynda basymdyqtardyń arasynda eki baǵyt bar: olar sybaılas jemqorlyqqa qarsy is-qımyl jáne qyzmet qaýipsizdigin qamtamasyz etý. Bul mindetter kóbinese áskerı polısııaǵa júktelgen".
О́tken jyly áskerı polısııa bas basqarmasynyń qurylymynda eki jańa basqarma quryldy. Olarǵa sybaılas jemqorlyqqa qarsy is-qımyl jáne áskerı qyzmet qaýipsizdiginiń jaı-kúıin baqylaý jónindegi mindetter júktelgen. Mınıstrdiń aıtýynsha, basqa kúshtik vedomstvolardan aıyrmashylyǵy, Qarýly Kúshterde ózindik qaýipsizdik qyzmeti joq, biraq Qarýly Kúshter basqa memlekettik organ sııaqty birqatar baqylaýshy jáne qadaǵalaýshy qurylymdardyń jiti nazarynda. Bul áskerı qyzmetshiler qatarynyń tártip buzbaýyna joǵary talaptar qoıady.
Sybaılas jemqorlyqqa qarsy qabyldanǵan sharalar nátıjesinde 2015-2019 jyldar aralyǵynda Qarýly Kúshterdegi sybaılas jemqorlyq qatysty qylmystar sany tórt esege deıin azaıdy. 2019 jyly barlyǵy 6 sybaılas jemqorlyq qylmysyna jol berilse, al 2015 jyldan bastap 2018 jylǵa deıin bul san 17-den 34-ke deıin bolǵan.
Sonymen qatar, aǵymdaǵy jyly mundaı qylmystardyń ósýine jol berilgen. 2020 jyldyń jeti aıynda sybaılas jemqorlyq qylmystar sany 25-ti qurady. Alaıda, olardyń kópshiligi boıynsha túpkilikti prosessýaldyq sheshim qabyldanǵan joq.
Aıta ketý kerek, bul qylmystardyń somasy salystyrmaly túrde az - negizinen 6 myńnan 50 myńǵa deıin, 200 myń teńge. Bul qylmystar bıýdjet qarajatymen baılanysty bolmaǵan.
Qorǵanys mınıstrliginde qazirgi ýaqytta kez kelgen quqyq buzýshylyqqa nóldik tózimdilikti tárbıeleý boıynsha jumys júrgizilýde. Mınıstr 2017 jyldyń qazan aıynan bastap osy ýaqytqa deıin áskerı polısııa bas basqarmasynyń bastyǵy qyzmetin atqaryp, zeınetkerlikke shyqqan polkovnık Baýyrjan Lekerovke alǵysyn bildirdi.
