Dúnıejúzilik uıym jetkinshekterde de vırýsty juqtyrý jáne taratý yqtımaldyǵy joǵary ekendigin eskertedi.
Djon Hopkıns ýnıversıtetiniń dereginshe, qazirgi kezde álemde koronavırýs juqtyrǵandar 23 mln adamnan asqan. Olardyń kópshiligi AQSh, Brazılııa, Úndistanda tirkelgen. Alaıda Ońtústik Koreıa, Eýropa elderi jáne Lıvan sııaqty basqa elderde de qaýipti vırýsty juqtyrǵan adamdar sany kóbeıgen.
Dúnıejúzilik densaýlyq saqtaý uıymynyń maska taǵyp júrýge qatysty keńesterimen myna jerden tanysýǵa bolady.
Eske sala ketsek, 30 shildeden bastap qazaqstandyqtar kóshede maska taǵyp júrýge mindetteldi. Bul týraly eldiń Bas sanıtarlyq memlekettik dárigeri Aıjan Esmaǵambetovanyń qaýlysynda aıtylǵan.
Keıinnen Densaýlyq saqtaý mınıstri Alekseı Soı bul ereje tek eresekterge ǵana emes, balalarǵa da qatysty ekenin túsindirdi.
Sonymen qatar, ol jeke qorǵanys quraldaryn barlyq qoǵamdyq oryndarda, sonyń ishinde dámhanalarja, sportpen shuǵyldaný kezinde jáne basqalarynda kııý kerek ekenin aıtqan bolatyn. Sondaı-aq mınıstrdiń buıryǵymen elimizde 5 jasqa deıingi balalarǵa maska taqpaı júrýge ruqsat berildi.
