Arnaıy ınfraqurylym 2021 jyly qoldanýǵa berilmek. Aerotaksı tek jolaýshylardy tasymaldap qoımaı, júk tıemelerin de jetkizetin bolady. Synaqtan ótkizý barysy halyq qonystanbaǵan aımaqta jáne jolaýshylarsyz tájirıbeden ótedi. Alǵashqy tikushaq aılaǵy Dýnaıdyń eki jaǵalaýynda paıda bolady dep josparlanyp jatyr.
Lıns qalasy – Aýstrııadaǵy turǵyndar sany boıynsha úshinshi orynda. Onda halyqtyń 200 myńnan astamy shoǵyrlanǵan. Turǵyndardyń basym kópshiligi qala mańynda qonystanǵan. Joba uıymdastyrýshylarynyń pikirinshe, aerotaksıdi synaqtan ótkizý úshin osy aımaq qolaıly bolatynyn atap ótti.
Lınste paıda bolatyn EHang 216 aeromobılderin avstrııalyq jáne qytaılyq ınjenerler birlesip ázirledi. Kabınada eki jolaýshyǵa arnalǵan oryn bar. Sondaı-aq 260 keli júk tıeı alady. Al dızaıny alyp kvadrokopterge uqsaıdy.
Aerotaksı saǵatyna 150 shaqyrymǵa deıin jyldamdyqpen usha alady. EHang 216 alǵashqy synaq reısteri 2019 jyly Vena ortalyǵyndaǵy fýtbol alańynda ótti. Sol kezde aerotaksı jolaýshylarmen birge áýege kóterilip, stadıondy aınalyp ushqan edi.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
