Aqmola oblysyndaǵy "Ohotzooprom" ınspektorlar tobynyń basy Aıbek Álipbaıdyń aıtýynsha, búginde kózben sholýǵa qaraǵanda, bul óńirde 70 myńǵa jýyq aqbóken bar.
Janýarlardy qorǵaýdy kúsheıtý jáne memleket tarapynan baqylaýdy kúsheıtý sharasynyń arqasynda olardyń sanynyń ósýi baıqalady. Sondaı-aq óńirde kıikterdiń ósip-ónýine qolaıly tabıǵı jaǵdaılar, sonyń ishinde qajetti azyq pen qolaıly klımat yqpal etedi. "Buryn bizdiń tehnıkamyz nashar, ÝAZ bolǵan, ondaı kóliktermen kúzetý qıyndyq týdyratyn, brakonerlerdiń tehnıkasy jaqsy bolatyn", - deıdi Aıbek Álipbaı, máselen, qazir bizdiń minip júrgenimiz "Toıota" markaly avtomobıl, tutastaı alǵanda, bizdiń park 2014 jyldan bastap jańara bastady".
Jýrnalısterdiń jumys qaýipsizdigi týraly suraǵyna ınspektor zańǵa sáıkes erekshe jaǵdaılarda, ómirge qaýip tóngende nysanǵa qarý qoldanýǵa quqyly ekenin aıtty. "Árbir ınspektorda oq ótkizbeıtin kókirekshe, pýlemet, karabın nemese tapansha bar", - deıdi ınpekstor. "Materıaldyq bazamyz ben jabdyqtalý jaǵy jaqsardy, endi birkelki kıim kııý máselesin jaqsartýǵa ýáde berýde. Jumys isteýge jaǵdaı bar. Jalaqy deńgeıi birneshe faktorǵa, onyń ishinde eńbek ótiline baılanysty. Vahtalyq ádispen 15 kún jumys isteımiz, sodan keıin demalamyz. Brakonerlerdi ustaǵan jaǵdaıda bonýs alamyz - ol jalaqynyń 150%-i. Jyl basynan beri men, mysaly, bir brakoner ustadym. 2016 jyly da osyndaı jaǵdaı boldy. Ustaý kezinde brakonerler meni pyshaqpen moınymnan jaralaǵanmen, nátıjesinde, olardy báribir ustadyq".
Inspektor atap ótkendeı, buryn brakonerler jıi toptasyp jumys istep, qylmysqa muqııat daıyndalatyn.
"Olar negizinen "Toıota" -100 markaly avtomobıl minedi, olardy kúsheıip, amortızatorlar ornatyp, jyldamdyqty arttyrady. Iаǵnı, olar daıyndyqpen, qýatty jabdyqpen shyǵady. Bir ret biz Qaraǵandy oblysynyń aýmaǵynda 100 bastaı kıik aýlaǵan Qyzylorda oblysy brakonerlerdiń izine tústik", - deıdi ınspektor.
Aıta ketý kerek, jyl basynan beri Qazaqstanda ustalǵan brakonerlerden 256 tutas et pen 1245 kıiktiń múıizi, sondaı-aq 5 qaraquıryq pen 2 ıtelgi tárkilendi. Aıtylǵandardyń bári Qazaqstannyń Qyzyl kitabyna engizilgen.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
