Sonymen qatar 16 naýryzdan 24 tamyzǵa deıin 15 830 qazaqstandyq múgedektikti eGov.kz portaly arqyly onlaın-rejimde syrttaı rásimdedi nemese uzartty. Bul múmkindik avtomatty túrde uzartýmen qatar, memlekettik mekemelerde adamdardyń kóp jınalýyn boldyrmaý jáne koronavırýstyq ınfeksııany juqtyrý qaýpin azaıtý maqsatynda múgedektigi bar adamdarǵa berildi.
SOVID-19 taralýynyń jalǵasýyna baılanysty azamattar múgedektikti belgileý jáne qaıta kýálandyrý úshin elektrondy formatta ótinish bere alady. О́tinish berý úshin eGov.kz portalynda avtorlaný qajet jáne elektrondy sıfrly qoltańba (budan ári – ESQ) bolýǵa tıis. Portalǵa kirgennen keıin joǵarǵy oń jaq buryshynda ashylmaly tizim bar batyrmany basyp, «Elektrondyq ótinishter» jáne «Qyzmetke onlaın tapsyrys berý» degendi tańdaý qajet. Sodan keıin ótinish berýshi óziniń jeke kabınetine kiredi, ol jerde «Qurý» túımesin basý kerek. Sodan keıin joldardy toltyrý kerek («óńir», «naqty turatyn mekenjaıy», «uıaly telefon» jáne t.b.). «Alýshy» jolynda «Eńbek, áleýmettik qorǵaý jáne kóshi-qon komıtetiniń aýmaqtyq departamenti» tarmaǵyn tańdańyz. Budan basqa, qujattardyń fotoǵa túsirilgen nemese skanerlengen kóshirmelerin qosa berý qajet. Tizimdi «Qajetti qujattar tizimi» siltemesine ótý arqyly kórýge bolady. Sońǵy áreket ESQ-kilttiń kómegimen ótinimge qol qoıý bolady. Ol úshin «Sertıfıkatty tańdaý» batyrmasyn basý jáne ataýy «RSA...»-dan bastalatyn faıldy tańdaý qajet, sodan keıin júıe ashyq paroldi engizýdi talap etedi.
О́tinish berý nátıjesinde ótinimge jeke kabınette statýs beriledi.
Aıta keteıik, 16 jáne 18 jasqa tolǵan múgedek balalarǵa qatysty syrttaı qaıta kýálandyrý qarastyrylǵan. Olarǵa múgedektik qolda bar qujattar negizinde jáne aldyńǵy kýálandyrýǵa sáıkes múgedektik dárejesin eskere otyryp belgilenedi.
Eske sala keteıik, alǵash ret Qazaqstan aýmaǵynda tótenshe jaǵdaı rejimi engizilgen kezeńde múgedektik merzimin avtomatty túrde uzartý boıynsha sharalar qabyldanǵan bolatyn. Qaıta kýálandyrý merzimi tótenshe jaǵdaı kezeńine jáne bir aı buryn (2020 jylǵy 16 aqpannan bastap) kelgen adamdarǵa múgedektik 3 aıǵa uzartyldy. Budan ári tıisti ákimshilik-aýmaqtyq birliktiń aýmaǵynda shekteý sharalarynyń, onyń ishinde karantınniń saqtalýyn eskere otyryp, múgedektik merzimderi uzartyldy.
