Qazirgi tańda osy strategııa boıynsha qoıylǵan mindetter oryndalyp keledi. Máselen, memlekettik qyzmet salasyndaǵy sybaılas jemqorlyqqa qarsy jumys negizinen 2015 jyly qabyldanǵan jemqorlyqqa qarsy kúres jónindegi zań, memlekettik qyzmetke qatysty zań, memlekettik qyzmettiń etıkalyq kodeksi arqyly júzege asty.
Sondaı-aq 2016 jyldan beri elimizde «Qoǵamdyq baqylaý» qyzmeti jumys isteıdi. Bul joba úkimettik emes uıymdardy tartý arqyly memlekettik jáne jeke sektordaǵy sybaılas jemqorlyq áreketin anyqtaýǵa arnalǵan.
Budan bólek, joǵaryda atalǵan zańdar arqyly jeke sektor salasyndaǵy jemqorlyqty baqylaý da alǵash ret jolǵa qoıyldy. Sybaılas jemqorlyqqa qarsy strategııany júzege asyrý nátıjesinde quqyq qorǵaý jáne sot júıesinde kadrlardy tańdaý jetildirildi.
Sondaı-aq jemqorlyqtyń zııany týraly qoǵamdy aqparattandyrý úshin de kóptegen jumys atqaryldy. Qazaqstan halyqaralyq sybaılas jemqorlyqqa qarsy uıymdarmen belsendi yntymaqtastyq ornatqan.
Jalpy alǵanda, Qazaqstannyń sybaılas jemqorlyqqa qarsy strategııasy memleketimizdiń saıası, áleýmettik jáne ekonomıkalyq jańǵyrýyn ári qaraı júrgizýge qajetti jaǵdaı jasaıdy. Osy oraıda, qoǵamdyq indetpen kúres jumysy elimizdiń damýyna serpin berip, ınvestısııa tartý áleýetin de ilgeriletedi. Qoryta aıtqanda, Prezıdentimiz atap ótkendeı, sybaılas jemqorlyqqa qarsy júıeli jumys júrgizý qoǵamda kez kelgen jemqorlyq túrin aıyptaý mádenıetin qalyptastyrady.
Slıamjar AHMETJAROV,
Prezıdent janyndaǵy Qazaqstan strategııalyq zertteýler ınstıtýty Áleýmettik-saıası zertteýler bóliminiń ǵylymı qyzmetkeri
