Olar óz emhanasyna nemese óz betinshe Qoldau 24/7 mobıldi qosymshasy arqyly júgine alady. Osylaısha, halyqtyń jeńildik sanaty bar ókilderiniń júıedegi saqtandyrý mártebesine qatysty týyndaǵan máseleleri jedel sheshimin tabady, pasıent medısınalyq qyzmetterge qol jetkize alady», deıdi «Áleýmettik medısınalyq saqtandyrý qory» KeAQ Nur-Sultan qalasy boıynsha fılıaly dırektorynyń orynbasary Aınagúl Dáýletshına.
Pasıent medısınalyq uıymǵa barǵan kezde medısınalyq mekeme qyzmetkeri pasıenttiń rastaıtyn qujatyn skanerleıdi (sýretke túsiredi) jáne ony «Qoldau 24/7» mobıldi qosymshasy arqyly ÁMSQ-ǵa jiberedi. Qor pasıentke 1 aıǵa mártebe beredi, oǵan tıisti habarlama jiberiledi.
Dál osylaı jeńildik sanatyndaǵy azamat ta App Store jáne Play Market-te «Qoldau 24/7» mobıldi qosymshasyn júkteý arqyly muny óz betinshe resimdeı alady. Jeńildik sanatyna qatystylyǵy týraly rastaıtyn qujatty júktep alyp, ÁMSQ-ǵa jiberý qajet. Qor ótinish berýshige 1 aıǵa mártebe beredi jáne tıisti habarlama jiberedi.
Azamattar saqtandyrý mártebesin ÁMSQ-nyń fms.kz resmı saıty, Qoldau 24/7 mobıldik qosymshasy, Telegram-daǵy Saqtandyru-bot arqyly tekserý qajet. Barlyq júıe durys jáne aıqyn jumys isteıdi.
«Azamattarǵa arnalǵan úkimet» memlekettik korporasııasy aıyna eki ret Áleýmettik medısınalyq saqtandyrý qoryna jeńildik sanatyndaǵy azamattar boıynsha jańartylǵan derekter bazasyn usynady. Turaqty saqtandyrý mártebesin rastaý úshin 1414 nómiri boıynsha Memlekettik korporasııaǵa habarlasý qajet.
Sondaı-aq tólemderdiń bolýy nemese bolmaýy, qaıtarylǵan tólemder týraly aqparatty https://egov.kz «Elektrondy úkimet» portalynan alýǵa bolady. Ol úshin «Medısınalyq qyzmetterdi tutynýshy retinde qatysý týraly jáne mindetti áleýmettik medısınalyq saqtandyrý júıesindegi aýdarymdardyń jáne (nemese) jarnalardyń aýdarylǵan somalary týraly aqparat berý» elektrondyq memlekettik qyzmetine tapsyrys beredi.
