«Azamattarǵa arnalǵan úkimet» memlekettik korporasııasynyń tóraıymy Ásemgúl Baltashevanyń aıtýynsha, byltyrǵa qaraǵanda bıyl egov.kz arqyly alynǵan onlaın qyzmetterdiń sany artqan. «Bul úrdis azamattardyń sıfrly saýattylyǵyn arttyrýǵa oń áserin tıgizgeni anyq. Máselen, bıyl elektrondy portal arqyly 145 myńnan astam adam júrgizýshi kýáligin aýystyrsa, 90 myńǵa jýyq kisi kólikterin onlaın túrde qaıta tirkegen», dedi ol.
Búkilálemdik pandemııa saldarynan jarııalanǵan tótenshe jaǵdaı men karantındik shekteýlerge, sonyń ishinde halyqqa qyzmet kórsetý ortalyqtarynyń jumys ýaqyty qysqarǵanyna qaramastan, qazaqstandyqtardyń avtokólikke qatysty qyzmetterge degen suranysy óte joǵary. Aıta ketsek, bıyl júrgizýshi kýáligine qatysty qyzmetterdiń sany byltyrǵa qaraǵanda 70 myńǵa ósken, al kólikti qaıta tirkeý boıynsha qyzmet nebári 150 myńǵa qysqardy.
Aıta ketelik, eldegi karantındik jaǵdaıǵa baılanysty halyqqa qyzmet kórsetý ortalyqtarynda kórsetiletin memlekettik qyzmetterdi alý úshin aldyn ala brondaý arqyly kezekke turý qajet. «HQO-ǵa kezekti brondaý qyzmeti tegin jáne resmı túrde egov.kz portaly, telegram jáne 1414 baılanys ortalyǵy arqyly usynylady. Bul oraıda alaıaqtarǵa aldanbaýlaryńyzdy suraımyz», dedi Ásemgúl Baltasheva.
Qazirgi tańda aımaqtardaǵy bas sanıtarlyq dárigerlerdiń sheshimimen halyqqa qyzmet kórsetý ortalyqtarynyń jumys tártibi birtindep uzartylyp jatyr.
