Qazaqstan Respýblıkasy Úkimetiniń aǵymdaǵy jylǵy 20 mamyrdaǵy № 306 qaýlysyn sapaly iske asyrý maqsatynda 1 maýsymnan bastap Armenııa Respýblıkasynan ákelingen kólik quraldaryn tirkeý boıynsha jumystar júrgizilýde, Ishki Ister Mınıstrliginiń qaýlysyna sáıkes kólikquraldaryn tirkeý algorıtmi ázirlendi. Qaýlyda Armenııa Respýblıkasynda bizdiń azamattarymyzǵa tirkelgen jáne 2020 jyldyń 1 aqpanyna deıin Qazaqstanǵa ákelingen birqatar avtomobılderdi tólemderdi, tólemeı tirkeý kózdelgen.
Mundaı avtomobılderdi tirkeý mamandandyrylǵan halyqqa qyzmet kórsetý ortalyqtarynda aǵymdaǵy jyldyń 1 qyrkúıegine deıin júzege asyrylady. Úsh aıǵa jýyq ýaqytta Qyzylorda qalasynyń 253 turǵyny Armenııa Respýblıkasynan ákelingen kólik quraldaryn Mamandandyrylǵan halyqqa qyzmet kórsetý ortalyǵyna qajetti qujattardy usynyp, 11946 teńge tólemderin tóleý arqyly óz kólik quraldaryn tirkedi.
Tirkelgen avtomobılder Qazaqstanda shekteýsiz,tehnıkalyq baıqaýdan ótý (jalpy tártipte) jáne kólik salyǵyn tóleý múmkindigimen paıdalanylýy múmkin. Mamandandyrylǵan halyqqa qyzmet kórsetý ortalyǵynda Qyzylorda oblysy Polısııa departamentiniń Ákimshilik polısııa basqarmasynyń qyzmetkerlerimen turǵyndarǵa keńes berilip, Call – ortalyǵy (tel: 8-7242-29-77-44) arqyly túsindirme jumystary júrgizilýde. Tirkeý jumystarynyń taıap qalǵanyn eskere otyryp, Qyzylorda oblysynyń Polısııa departamenti Armenııa Respýblıkasynan ákelingen avtokólikterdi zańmen kózdelgen merzimde tirkep úlgerýlerińizdi suraıdy.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
