Joǵaryda atalǵan baǵdarlamalar sheńberinde respýblıkalyq jáne oblystyq bıýdjettiń qarjysyna 150 bilim berý nysanyn jańartý qarastyrylǵan bolatyn. Onyń ishinde 38 nysanǵa kúrdeli jóndeý jumystary júrgizildi.
Bıyl 9 mekteptiń qurylysy júrip jatyr. Bilim oshaqtary paıdalanýǵa berilgen kezde 4232 oqýshy orny bolady. Bir aıta keterligi, tórt mektepke qosymsha oqý korpýstary salynýda. Mundaı jumystar negizinen Nur-Sultan jáne Kókshetaý qalasyndaǵy bilim oshaqtarynda júrgizilýde.
Josparlanǵan jobalardy iske asyrý barysynda 31 mektepke 6 mıllıard 400 mıllıon teńgege jóndeý jumystary júrgizilip, aıaqtalý ústinde. 4 kolledjdi jóndeýge 947 mıllıon teńge qarajat bólingen bolatyn. Qazir bul jumystar tap-tuınaqtaı atqarylǵan.
О́ńirdegi 82 orta mektep pen 11 bala baqsha jáne 13 kolledjge aǵymdaǵy jóndeý jumystary júrgizilýde. Bul jumystar jergilikti halyq úshin de tıimdi boldy. О́ıtkeni, jóndeý jumystary júrgizilgen kezde eki myńnan astam jumys orny ashylǵan bolatyn.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
