Búgin Sıfrlyq damý, ınnovasııalar jáne aeroǵarysh ónerkásip birinshi vıse-mınıstri B.Mýsın, SDIAО́ jáne IIM vıse-mınıstrleri A.Ospanov, S.Sársenov, "Qazaqtelekom" AQ basqarma tóraǵasy K.Esekeev ortalyqtyń jumysymen tanysty. Kezdesý barysynda COVID-19-ben kúresýge kómektesetin sıfrlyq tehnologııalardy damytý jáne engizý máseleleri talqylandy.
"Pandemııa kezindegi jedel járdem stansıasyna túsetin qońyraýlar sany úsh ese artty, 1000-nan 3000-ǵa deıin, al kúnine 4 ese, 4000-ǵa deıin qońyraýlar tústi. Buryn jedel járdem stansııasynyń bazasynda májilis zaly bolǵan, biz ony ahýaldyq jáne baılanys ortalyqtaryna aınaldyrdyq. Bul ortalyqtardyń ashylýy bizge jedel járdem stansıasyndaǵy júktemeni azaıtyp qana qoımaı, tez ári tıimdi kómek kórsetýge múmkindik berdi. Pasıentter legin durys bólý óte mańyzdy. Ahýaldyq ortalyq COVID-19 pandemııasy kezinde medısınalyq uıymdar arasynda ózara tıimdi baılanys jasaýǵa múmkindik beredi. JRVI maýsymy áli alda, vırýs eshqaıda ketken joq. Biz ahýal ortalyǵynyń, call-ortalyqtardyń jáne basqa da jumystardy kúsheıtýdi jalǵastyramyz", dedi elorda ákimi Altaı Kólginov.
Sondaı-aq, búgin memlekettik organdar men ulttyq kompanııa ókilderi biryńǵaı 112 dıspetcherlik baılanystyń jumysyn damytý máselelerin talqylady.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
