AQSh-tyń Nıý-Iork qalasynda jalaýy jelbiregen WTA dodasy jerlesterimiz úshin sátsiz aıaqtaldy. Elimizdiń birinshi raketkasy Elena Rybakına tusaýkeser kezdesýinde oıda-joqta 25 jastaǵy reseılik Ekaterına Aleksandrovaǵa ese jiberdi – 5:7, 6:7.
Iýlııa Pýtınseva alǵashqy aınalymda qytaılyq Chjan Shýaıǵa shań qaptyrdy – 6:4, 6:3. Kelesi kezeńde onyń joly joǵaryda esimi atalǵan Reseı tennısshisimen qıysty. Bul básekede de Aleksandrovanyń asyǵy alshysynan tústi – 7:5, 7:6.
Nıý-Iorktegi týrnırdiń erler saıysynda Aleksandr Býblık Karen Hachanovtyń osal tusyn taba almady – 4:6, 4:6.
Al Pragada ótip jatqan jarysta Dmıtrıı Popko úshinshi kezeńge shyqty. Keshe ol nemis oıynshysy Oskar Otteden 7:5, 6:3 esebimen basym tústi. Endi otandasymyz germanııalyq Iаnnık Maden men chehııalyq Mıhael Vrbenskı arasyndaǵy kezdesýdiń jeńimpazymen sheberlik baıqasady.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
