Ekonomıka • 25 Tamyz, 2020

Ekibastuz GRES-2 valıýtalyq qaterdi joıdy

284 ret

kórsetildi

1 mın

oqý úshin

"Samuryq-Qazyna" AQ men "Samuryq-Energo" AQ teń aksıonerleri bolyp tabylatyn "Ekibastuz GRES-2stansııasy" AQ jalpy somasy shamamen 100 mlrd teńge bolatyn shetel valıýtasyndaǵy barlyq mindettemelerin qaıta qarjylandyrdy. Osylaısha, stansııa valıýtalyq qaterdiń betin tolyǵymen qaıtaryp, bolýy yqtımal kýrstyq shyǵyndardy joıdy, - dep habarlaıdy "Samuryq-Energo" AQ Úkimetpen baılanys jáne kommýnıkasııalar qyzmeti.

Suńǵat ÁLIPBAI

Ekibastuz GRES-2 valıýtalyq qaterdi joıdy

Bul is-shara el ekonomıkasynyń dollarǵa baılanystylyǵy deńgeıin tómendetý, Qazaqstannyń valıýtalyq mindettemeleri men syrtqy qaryzdaryn azaıtý jónindegi memlekettiń saıasatyn qoldaý aıasynda ótkizildi. Qaıta qarjylandyrýdyń kózi – Qazaqstannyń asa iri banki – "Qazaqstannyń Halyq Banki" AQ.

Bul mámileni iske asyrý Ekibastuz GRES-2-ge valıýtalyq qaterdi tolyǵymen joıýǵa, syıaqy mólsherlemesin bekitýge, kepildegi jyljıtyn jáne jyljymaıtyn múlkin tolyǵymen bosatyp alýǵa múmkindik berdi, sonyń arqasynda 1 mlrd teńgeden astam jyl saıynǵy ilespe shyǵystar ońtaılandyryldy.

Qosymsha mámile ulttyq valıýtada bekitilgen uzaq merzimdi qaryz esebinen qorlandyrý sharttaryn jaqsartýǵa jáne qarjylandyrý qurylymyn ońaılatýǵa múmkindik berdi.

Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.