Búgin «Shapaǵat» kommýnaldyq bazarynyń aýmaǵynda saǵat 15: 00-de elorda ákimdigi, «Astana – adaldyq alańy» jobalyq keńsesi jáne úkimettik emes uıymdar «Adal kómek» aksııasyn ótkizýde.
Kelýshiler tegin zań kómegin ala alady. Sybaılas jemqorlyqqa qarsy is-qımyl máseleleri boıynsha aqparattyq-túsindirý keńesteri ótkiziledi. Tilek bildirýshiler janjaldar men otbasylyq qatynastardy sheshý boıynsha psıhologııalyq kómek ala alady. Sonymen qatar joǵary bilikti mamandar satylatyn taýarlardyń sapasy men qaýipsizdigi úshin satýshylardyń jaýaptylyǵy týraly suraqtarǵa jaýap beredi.
Sharanyń maqsaty – quqyqtyq bilim deńgeıin, tutynýshylardyń saýattylyǵyn arttyrý jáne halyq arasynda sybaılas jemqorlyqqa qarsy saýattylyqty qalyptastyrý.
Uıymdastyrýshylar sonymen qatar barlyq kelýshiler sanıtarlyq-gıgıenalyq normalardy qatań saqtaýy, maska taǵýy, sanıtaızer qoldanýy jáne qashyqtyq saqtaýy tıis ekenin atap ótti.
