Ǵalymdar pandemııa kezinde qorǵanys quraldaryna suranys artyp otyrǵanyn atap ótti. Elder oqshaýlanýdan shyǵyp, shekteýlerdi alyp tastasa da, adamdarǵa aı saıyn mıllıardtaǵan maskalar qajet bolady. Sarapshylardyń pikirinshe, bir ret qoldanylatyn maskalar qorshaǵan ortaǵa ondaǵan nemese júzdegen jyldar boıyna saqtalatyn plastıkalyq materıaldardan jasalǵan.
Málimdemede orta merzimdi jáne uzaq merzimdi bolashaqta plastıkalyq qaldyqtardyń qorshaǵan ortaǵa jáne onyń turǵyndaryna zııanyn tıgizetini aıtylǵan.
Atap aıtqanda, keıbir janýarlar qatelesip plastıkalyq maska fragmentterin jeýi múmkin. Sonymen qatar, plastmassa ýaqyt óte kele azyq-túlik tizbeginde jınalyp turatyn kishkentaı fraksııalarǵa ydyraı alady.
Ǵalymdar maskalardyń durys paıdalanylmaýy adamǵa janama ǵana emes, sonymen qatar tikeleı zııan tıgizýi múmkin ekenin atap ótti. Joıylǵan maskalar qoqys jınaýshylar arasynda koronavırýstyq ınfeksııanyń órshýine sebep bolýy múmkin, óıtkeni belgili bir jaǵdaılarda vırýs jeti kúnge deıin qorǵanys kerek-jaraǵynda qalady. Apattyń aldyn alý úshin ǵalymdar birneshe ret paıdalanylatyn maskalardan bas tartýǵa keńes berdi. Sondaı-aq, esepte qaıta paıdalanýǵa bolatyn aksessýarlarda uzaq ýaqyt boıy qoldanýǵa bolatyn súzgiler bolýy kerek delingen. Qorǵanys maskalaryn nusqaýlarǵa sáıkes saqtap, jýǵan jón.
