Sol jyly men Qazaqtyń aýyl sharýashylyǵy ınstıtýtyn támamdap, elge kelgen edim. Joǵary oqý ornyn bitirgen soń, Taldyqorǵan mańynda 3 aılyq áskerı jıynda bolyp, áli qyzmetke tura qoımaǵan edim. Kelgen qonaqtar bizdiń úıimizge túsip, mereıimiz ósip-aq qaldy.
Ol kezde ákemiz sharýashylyq kásipodaq komıtetiniń tóraǵasy bolyp isteıtin. Keshke teatr tarlandary ataqty «Ana – Jer-anany» kórsetti. Spektakldi kórýge aýyldyń taıly-taıaǵy qalmaı kelip, qoıylym bitkennen soń halyq ártisterdi sahnadan jibermeı turyp aldy.
Sodan qonaqtar úıge kelip, shaı ústindegi kóńildi otyrysta halyqtyń ónerge degen yqylasyna rıza bolyp otyrysty. Dastarqan basynda otyrǵandardyń ótinishine saı Sábıra apaı kóp sózge kelmesten ana obrazyna kirip, kóz jasyn tógip jiberip ónerin kórsetkende otyrǵandar yqylaspen qoshemet kórsetisti.
Al meniń anam Quman aǵaǵa qarap: – Merýertti de ala kelmegen ekensiz, óz kózimizben kórer edik – degende, Quman aǵa kúlip: – Aıtpańyz apaı, ózim de saǵynyp júrmin Merýertti, – dep jurtty dý kúldirgen edi.
Mine, sol kezdesýden qalǵan belgi retinde osy sýretti áli saqtap kelemin.
Sapar Iztileýov
Qostanaı oblysy
