ShQO Jarma aýdanyndaǵy "Shar" sý qoımasy "Kazgıprovodhoz" ınstıtýtynyń jobasy boıynsha 1978 jyly salynǵan, jalpy kólemi 80,0 mln. m3-di quraıdy. Sý qoımasy salynǵannan beri jóndeý jumystary júrgizilmegen. 2016 jyly nysandy kúrdeli jóndeýden ótkizý maqsatynda respýblıkalyq bıýdjetten bir mıllıard jarym teńge qarjy bólingen. Alaıda búgingi kúnge tıisti jóndeý jumystary júrgizilmegen, sý qoımasy maqsatqa saı paıdalanylyp turǵan joq.
"Qazsýshar" ShJQ RMK ShQO fılıalynyń basshysy R.Nıgmedjanovtyń aıtýy boıynsha jobalaýshy uıymynyń tarapynan jiberilgen qatelikter saldarynan jobanyń smetalyq qunynda sáıkessizdikter oryn alǵan. Aýdan ákimi "Shar" sý qoımasy negizinen aýyl sharýashylyǵy ónimderin sýarýǵa paıdalanylatynyn, bul aýdannyń ǵana emes, óńirdiń de ekonomıkasyna tikeleı áser etetinin jetkizdi.
Senator Dúısenǵazy Mýsın sý qoımasynyń turalap, kóptegen kúrdeli máseleniń týyndaýyna sebep bolǵany úshin sharýashylyq kásiporynyn synǵa aldy. Depýtat jergilikti ákimdik mamandaryna jobalaý esepterin talapqa saı keltirý, al merdigerge jóndeý jumystaryn sapaly aıaqtap, tapsyrý qajettigi týraly aıtty. Dúısenǵazy Mýsın aýdan jáne kásiporyn basshylarynyń jaýapkershiligi týraly eskertip, jaǵdaıdy ózi turaqty baqylaýda ustaıtynyn jetkizdi.
