"Baqytty otbasy" ortalyǵynda kópbalaly analar jańa kásip túrin ıgerip, qoljetimdi granttardyń arqasynda óz bıznesin asha alatyn múmkindikke ıe. Bul dúken — ónimdi barlyǵy birdeı tutyný úshin ótkizýge múmkindik beredi.
Aıta ketý kerek, barlyq ónim "Isker ana" Oqý ortalyǵynda daıyndalady. Ol "Baqytty otbasy" ortalyǵy bazasynda jumys isteıdi. Ortalyqta tigin jáne kıiz sheberhanalary bar. Lıýnevıl kesteleri, qurak-kórpe, toqyma, ulttyq kıim tigý boıynsha oqytý kýrstary ótkiziledi. Aǵymdaǵy jyldyń tamyz aıynda, ǵımaratqa jóndeý jumystary júrgizildi. Jańa jabdyqtar ornatylyp, tehnıkalyq jabdyqtaý keńeıtildi.
Esterińizge sala keteıik, "Isker ana" Oqý ortalyǵynda kópbalaly jáne az qamtylǵan otbasylardyń analary, múmkindigi shekteýli áıelder bıznes jáne marketıng boıynsha oqytý kýrstarynan ótýde.
Osy jyly Almatyda "Eńbek" Nátıjeli jumyspen qamtý baǵdarlamasyn iske asyrý aıasynda, 117 kópbalaly jáne 574 az qamtylǵan analarǵa óz bıznesin ashý jáne bıznes-ıdeıalardy iske asyrý úshin 200 AEK-ke deıin granttar berildi.
Dúken — Súıinbaı dańǵyly, 263-úı mekenjaıynda, yńǵaıly kólik logıstıkasy bar, jalpyǵa qoljetimdi jerde ornalasqan.
