Zaýyt jumysshylary jumyssyz qalýy múmkin

О́tinish mátininde «Uzaq ýa­qyt boıy múddeli tulǵalar toby О́skemen qalasyndaǵy Qazaq­stannyń alǵashqy avtomobıl zaýyty «Azııa Avtony» tolyq shekteýge baǵyttalǵan josparly jumystaryn jal­ǵastyrýda. Konveıerdiń jumy­syn toqtatýǵa jáne respýb­lıkadaǵy avtomobıl ja­saý salasyn damytý jónin­degi hol­dıngtiń barlyq ınvestı­sııalyq baǵdarlamasyn toqta­typ qoıýǵa májbúrleıtin sot sheshimderine deıin paıdalanýda» dep jazylǵan.

Aryzdanýshylar alda-jalda «Azııa avto» zaýyty jumy­syn toqtatsa, myńdaǵan adam ju­myssyz qalatynyn da alǵa tar­typ otyr. Sondaı-aq Prezı­dentke baǵyttalǵan hatta alpaýyt kompanııa kez kelgen dárejedegi tekserýlerge daıy­n ekenin de atap kórsetken. Qara­paıym halyqtyń kóbin otandyq temir tulparmen qamtyp otyr­ǵan kólik zaýyttarynyń jetis­tikteri de joq emes. Atalǵan kompanııa kóldeneń keder­gilerge qara­mas­tan, 2020 jyl­dyń birinshi jar­tyjyldy­ǵynda elimizdiń avtomobıl naryǵynyń «absolıýtti kósh­basshysy» statýsyn saqtap qalǵan. Salyq tóleýde de bul za­ýytta eshqandaı másele týyn­damaǵan kórinedi.

Biraq Indýstrııa jáne ın­fra­qurylymdyq damý mınıs­trligi «Azııa Avto» AQ jáne «Azııa Avto Qazaqstan» AQ kásip­oryndary kelisim mindet­temelerin oryn­damaǵanyn, al ózge kásiporyndar shanaqty balqytyp biriktirý jáne boıaý boıynsha tehnologııalyq jab­dyqtardy iske qosý jó­nin­degi mindettemelerin kelisim­niń jos­par-kestesine saı oryn­daǵa­nyn habarlaǵan bolatyn.

Alaıda «Bıpek Avto – Azııa Avto» baspasóz qyzmeti­niń má­limetine súıensek, óner­ká­sip­tik qurastyrý boıynsha ke­li­simdi toqtatýǵa búgingi tań­da zańdy negiz joq. Shanaqty dáne­kerleý men boıaýdyń qýatyn kúsheıtýdi qoldanysqa engizý jóninde mindetterdi oryndaý merzimi qosymsha kelisimmen 2020 jyldyń 31 jeltoqsanyna deıin uzartylǵan.

Bul másele kompanııa qyz­­metkerlerin ǵana emes, shyǵys­­qazaqstandyqtardy da alań­datyp otyrǵany ras. Biri basqa avto­mobıl satý ortalyqtary ba­­ǵany kúrt kóterip jiberýi múm­­kin dese, endi biri shekaradan shet­eldik kólik qoljetimdi baǵa­men kire bastaıdy dep boljaıdy. Al ekonomıka salasy ma­mandarynyń pikirinshe, «Azııa Avto» kompanııasynyń ju­mysy toqtasa, qarapaıym ha­lyq úshin tıimsiz bolýy múmkin.

– Qazirgi tańda otandyq av­tokólik ónerkásibine memleket qoldaý kórsetýi kerek dep oı­laımyn. Otandyq ónimniń qaı-qaısysy bolsyn halyqqa tıimdi baǵamen usynylady. Sol sııaqty otandyq avtokólik te halyq úshin qoljetimdi. Al basqa ortalyqtardaǵy kólik klasy joǵary bolǵanymen, baǵasy orta jalaqy alyp otyr­ǵan turǵyndar úshin tıimsiz, – deıdi menedj­ment salasynyń Ph.D doktory Aqmaral Tursyn­bekqyzy.

Mereı QAINARULY,

jýrnalıst

О́SKEMEN