Jalpy qurylǵanyna jarty ǵasyrdan astam ýaqyt ótken qoryqtyń aýmaǵy 700 myń gektar jerdi quraıdy. Munda balyqtyń 15 túri, qustyń 357, ósimdiktiń 443, jan-janýardyń 45 túri mekendeıdi. Sonyń ishinde qadirlisi – kıik. Bıylǵy jyly kıik basy aıtarlyqtaı kóbeıdi.
Tóldeý ýaqyty sátti ótti. Shyǵyn bolǵan joq. Sol sebepti kıik qaramy burnaǵy jyldarmen salystyrǵanda aıtarlyqtaı ósip otyr. Máselen, 2018-2019 jyldary bul óńirde 18 myńǵa jýyq kıik bolsa, bıylǵy sany 45 myńǵa jetken.
Kıiktiń kóbeıýine brakonerlerdiń burynǵydaı basynýyna jol berilmeýi de oń yqpalyn tıgizýde. Qoryq aýmaǵynda sońǵy eki jylda birde-bir márte kıik atýǵa qatysty oqıǵa tirkelmepti. Arakidik quqyq buzýshylyq oqıǵalary qylań berip turatyny da bar. 2019 jyly 33 quqyq buzýshylyq oqıǵa oryn alǵan eken.
Qoryq qyzmetkerleri kıik sanynyń kóbeıýi adam sanasynyń jaqsarýyna da baılanysty deıdi.
