Kezdesý barysynda Akýsherlik jáne gınekologııa, pedıatrııa, kardıologııa, onkologııa sııaqty negizgi mamandyqtar boıynsha rezıdentterdi daıyndaý úshin Jambyl oblystyq kópbeıindi aýrýhanasynyń bazasynda atalǵan oqý ornynyń fılıaly ashylatyn boldy. Berdibek Saparbaev Taraz qalasynda rezıdentterdi daıyndaý kadr tapshylyǵy máselesin sheshýge kómektesetinin atap ótti. Ákim óńirdegi aýdandar men aýyldarǵa qajetti medısına kadrlaryn daıyndaýdyń mańyzdy ekenin de jetkizdi. Talǵat Nurǵojın atalǵan bastamany qoldaıtynyn bildirip, ýnıversıtettiń óńirdegi fılıalynda jumys isteýge daıyn oqytýshylardyń jetkilikti rezervi bar ekenin málimdedi. Budan bólek, atalǵan oqý orny joǵary kýrs stýdentterin praktıkalyq daǵdylardy ıgerý úshin oblystyq kópbeıindi aýrýhanaǵa jibere alady. Al, yntalandyrý maqsatynda joǵary oqý orny stýdentter men Jambyl medısına qyzmetkerlerine elektrondy ǵylymı kitaphanany paıdalanýǵa múmkindik beredi. Sonymen qatar, ýnıversıtet aımaqtaǵy medısına qyzmetkerlerin Izraıl, Lıtva, Koreıa memleketteriniń jetekshi joǵary oqý oryndaryna biliktiligin arttyrýǵa jiberýge daıyn. Sondaı-aq, koronavırýs indetiniń kútiletin ekinshi tolqyny men maýsymdyq tumaýdyń taralýy kezeńinde atalǵan medısınalyq joǵary oqý ornynyń professorlyq-oqytýshylyq quramynyń oblys turǵyndaryna táýlik boıy keńes berýi úshin call-ortalyǵy ashylatyn boldy. Sonymen qatar, ýnıversıtet Jambyl oblysyna anestezıolog-reanımatolog dárigerlerdi de jiberetin bolyp kelisildi.
Jambyl oblysy
