Aldymen aımaq basshysy oblystaǵy koronovırýs indetine qatysty ahýal men aýrýdy órshitpeý baǵytynda qolǵa alynǵan jumystar jaıly aıtty. Sonymen birge aldaǵy kezeńde jańa jumys oryndaryn qurý, ónerkásip óndiristerin kóbeıtý, shaǵyn jáne orta bıznes salasyndaǵy memlekettik qoldaý sharalaryn tarqatyp berdi. Munan ózge jylý berý maýsymyna daıyndyq máselesi jáne jańa oqý jylyn qashyqtan uıymdastyrý sharalaryna aıryqsha toqtaldy.
Kezdesýde oblys ákimi aýyl sharýashylyǵy baǵytyna arnaıy toqtap, kúrish eksporty, egin sharýashylyǵyn ártaraptandyrý máselelerin qozǵap, óńirdegi agrarlyq saladaǵy basymdyqtardy atady.
Basqosýǵa kelgen BAQ ókilderi aımaq basshysyna áleýmet, bilim, ekonomıka, aýyl sharýashylyǵy salalaryndaǵy kókeıde júrgen saýaldaryn qoıdy. «Qyzylorda qoǵamdyq teleradıokompanııasy» JShS quryltaıshysy Shákızada Ábdikárimov aqparatty berý tásilinde taldamaly aqparattardy jetildirý qajettigin jáne jergilikti sala basqarmalarynyń tıisti máselelerge kelgende ashyq ustanymdarynyń jetpeı jatqandyǵyn atap ótti. Bul rette árbir sala basshylary jýrnalıstermen tikeleı qarym-qatynas ustap, aqparattyq shekteýlerge jol bermeý qajet degen usynysyn ortaǵa saldy.
Al respýblıkalyq «Egemen Qazaqstan» gazetiniń menshikti tilshisi Murat Jetpisbaev egis alqaptaryndaǵy sý tapshylyǵy problemasyn alǵa tartyp, sýdy únemdeý máselesine erekshe nazar aýdarýdy surady. Oblys ákimi ózekti saýalǵa naq jaýap berdi.
- Bıylǵy jyldan bastalǵan sýarmaly sýdyń tapshylyǵy egin sharýashylyǵyna áser etpeı qoımady. Muny biz bilemiz. Osy jaǵdaıdy eskere kele, aýyspaly egis júıesindegi kúrish egisiniń kólemin 75- 80 myń gektarǵa turaqtandyryp, mal azyqtyq daqyldar egisiniń kólemine basymdyq berýdi kózdep otyrmyz,–dedi Gúlshara Ábdiqalyqova.
Kezdesýde respýblıkalyq «Álimsaq» jýrnalynyń bas redaktory Nurlan Kóbegenuly aqparattyq ashyqtyq, táýelsiz BAQ ókilderine memlekettik tapsyrys berý máselesin kóterdi. Bas redaktor óńirdegi sala basshylary aı saıyn onlaın platformalar arqyly jýrnalıstermen kezdesý uıymdastyryp, ortaq máselelerdi talqyǵa salatyn keri baılanys tetikterin iske asyrýdy surady. Al, «Habar» telearnasynyń menshikti tilshisi Nurlan Jaqypbek maman daıarlaý máselesin qaıta qarap, jýrnalıstermen tikeleı qyzmet jasaıtyn baspasóz hatshylarynyń jumysyn jandandyrý qajettigin aıtty.
Sonymen birge kezdesýge jınalǵan aqparat salasynyń mamandary jýrnalıstıka salasynyń ardagerlerine jáne osy salada aıanbaı eńbek etip júrgen tilshiler qaýymyn yntalandyrý baǵytynda túrli sharalar ótkizýdi usyndy.
Oblys ákimi aqparattyq qoljetimdilik baǵytynda jýrnalıster tarapynan aıtylǵan árbir usynysty saralaı kele tıisti sala basshylaryna tapsyrma berip, aqparattyq ashyqtyqty ustanýda jumysty júrgizýdiń algorıtmi bekitiletinin atap ótti.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
