Rýstam Aıdarhanov 1983 jyly Pavlodar qalasynda dúnıege kelgen. QR IIM B. Beısenov atyndaǵy Qaraǵandy zań ınstıtýtyn «Quqyqtaný» mamandyǵy boıynsha bitirgen. Qazaqstan Respýblıkasynyń kásibı medıatory retinde sertıfıkattalǵan. Eńbek jolyn 2007 jyly Pavlodar oblysynyń AIIB tergeýshisi bolyp bastaǵan. Osy jyldary ol Astana qalasy boıynsha QR ÁM QBJI «Eńbek» RMK zańgeri, Almaty qalasy ákimi apparatynyń memlekettik zań bóliminiń bas mamany, Qazaqstan Respýblıkasy Qarjy mınstrligi Memlekettik kirister komıteti Ortalyq kedendik zerthana kadrlar bóliminiń bas mamany, QR Qarjy mınıstrligi Vedomstvolyq baqylaý basqarmasynyń bas sarapshysy bolyp jumys istedi.
Mınıstrliktiń ádep jónindegi ýákili bolyp taǵaıyndalǵanǵa deıin ol QR Qarjy mınıstrliginiń Vedomstvolyq baqylaý basqarmasynyń basshysy qyzmetin atqardy.
Ádep jónindegi ýákildiń mindetteri qyzmettik etıka normalaryn jáne memlekettiń qyzmet týraly zańnamanyń saqtalýyn qamtamasyz etý, sybaılas jemqorlyqqa qarsy kúres, Qazaqstan Respýblıkasy memlekettik qyzmetshileriniń ádep kodeksiniń saqtalýyn baqylaý, memlekettik qyzmetshiler men azamattarǵa óz fýnksııalary sheginde keńes berý bolyp tabylady.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
