Aımaqtar • 27 Tamyz, 2020

Internet alaıaqtary taǵy bir Petropavl turǵynyn aldap ketti

466 ret

kórsetildi

1 mın

oqý úshin

Em-domǵa qoldanatyn kýshetka satamyn dep habarlandyrý bergen turǵynǵa kóp keshikpeı bolashaq klıentten suranys túsedi. Taýardy kórmeı, tek aldarqatyp árnemesin surap, sosyn: «maǵan bank kartochkańyzdyń nomerin aıta qoıyńyz, men aqshańyzdy aýdara qoıaıyn» deıdi «alýshy». Odan arǵy áreketter kómeski. Birdeńeden sekem alǵan áıel bank menedjerine telefon soǵyp, óziniń esepshotyndaǵy operasııalar týraly suraǵanda úlken somanyń alynǵanyn estip, sandy bir-aq soǵady. Al «satyp alýshyǵa» habarlassa onyń telefony sóndirýli bolǵan. Qazir alaıaq qurbanynyń aryzy boıynsha izdestirý sharalary jasalýda.

Jaqsybaı SAMRAT

Internet alaıaqtary taǵy bir Petropavl turǵynyn aldap ketti

Dál osy kúni taǵy bir petropavldyq óziniń ınternet-alaıaqtyń qurbany bolǵanyn aıtyp polısııaǵa shaǵym bergen. Biraq bul joly alaıaq izin sýytpaı ustaldy. Ol osyndaı qylmyspen buryn da belgili bolǵan 1998 jyly týǵan jábirlenýshiniń tanysy bolyp shyqty. Jábirlenýshiniń qujattaryndaǵy derekterin aldaý jolymen qolyna túsirip alǵan ol óziniń aram oıyn iske asyrǵan. «Alaıaqtardyń barlyq túrleri azamattardyń ańǵaldyqtaryn paıdalanady. Qandaı jaǵdaı bolmasa da, jeke basy jáne qarjysy týraly aqpartty bóten adamdarǵa berýge bolmaıdy. Olarǵa: jeke basyn kýálandyratyn qujat, JSN, tólem kartochkalarynyń derektemeleri jatady. Kúdik týyndaǵan jaǵdaıda birden bank bólimshesine nemes call-ortalyǵyna habarlasý qajet. Sonymen birge ınternet-alaıaqtardyń quryǵyna tússeńiz, shuǵyl polısııaǵa júgingen jón», - deıdi SQO PD bastyǵynyń orynbasary Rýslan Nazarov.