25 jyl buryn búkilhalyqtyq referendýmda eldiń Negizgi Zańy qabyldandy. Konstıtýsııa demokratııalyq damý baǵytyn aıqyndap, quqyqtyq júıeniń ózegine jáne jalpyulttyq birlik pen kelisimge negizdelgen memlekettik qurylymdy zamanǵa saı qurýdyń jańa belesine aınaldy.
Mereıtoıdy atap óte otyryp, biz osy kezeńde bolǵan aýqymdy tarıhı ózgeristerdi kórip otyrmyz. Tuńǵysh Prezıdent – Elbasynyń sarabdal saıasatynyń arqasynda memlekettiliktiń negizderi túbegeıli nyǵaıtyldy.
Búgingi tańda Qazaqstan – ashyq naryqtyq ekonomıkasy bar, memlekettik qurylystyń jańa kezeńinde strategııalyq sabaqtastyqty qamtamasyz ete otyryp, qoǵam ómiriniń barlyq salalaryn jańǵyrtý baǵdarlamalaryn iske asyrýshy memleket retinde búkil álemdik qaýymdastyqpen moıyndalǵan jáne laıyqty qurmetke ıe el.
Konstıtýsııada jarııalanǵan shynaıy qazaqstandyq qundylyqtardy qorǵaý jáne onyń normalaryn múltiksiz saqtaýdy qamtamasyz etý – áleýmettik-ekonomıkalyq jáne mádenı-gýmanıtarlyq baǵyttaǵy odan ári tabysty damýdyń kepili.
Ardaqty aǵaıyn! Konstıtýsııa men Qazaqstan halqy Assambleıasynyń mereıtoılary árqashan birge atap ótilýiniń sımvoldyq máni bar. Olar ótken ýaqyttyń syn-tegeýrinderine jaýap retinde bir jylda paıda boldy jáne basty maqsat – Qazaqstannyń birtutas halqyn toptastyrý jáne biriktirý maqsatyna qol jetkizýge múmkindik berdi.
Konstıtýsııa kúni árqashan patrıotızmniń jáne Otanǵa degen súıispenshiligimizdiń sımvoly bolsyn!
Barshańyzǵa myqty densaýlyq, tabys, yntymaq jáne bereke-birlik tileımiz!
Qazaqstan halqy Assambleıasy
