Aımaqtar • 28 Tamyz, 2020

Atyraý ákimdigindegi front-keńsege 600-den astam azamat ótinishpen kelgen

556 ret

kórsetildi

1 mın

oqý úshin

Bıylǵy 1 naýryzdan beri oblys ákimdigi janynan front-keńse jumysyn bastady. Oblys ákimi apparaty ótinishterdi qaraýdy baqylaý bóliminiń basshysy Jandos Bólekbaevtyń aıtýynsha, atalǵan front-keńsege 600-den astam azamat túrli ótinishpen kelipti. Al, jergilikti atqarýshy organdarǵa alty aıda jeke jáne zańdy tulǵalardan 18 211 ótinish túsken, dep habarlaıdy Egemen.kz.

Joldasbek KО́ShERBAIULY

Atyraý ákimdigindegi front-keńsege 600-den astam azamat ótinishpen kelgen

"О́tinishterdiń basym kóbi medısınalyq jáne áleýmettik kómek kórsetýge, sondaı-aq, eńbek qatynastary máselelerine baılanysty bolyp otyr. Qazir QR Sybaılas jemqorlyqqa qarsy is-qımyl agenttigimen usynylǵan servıstik ákimdik formatynda Atyraý qalasy men aýdandar ákimdiginde front-keńse ashý máselesi qarastyrylyp jatyr", deıdi Jandos Bólekbaev.

Oblys ákimi Mahambet Dosmuhambetovtiń pikirinshe, azamattardyń shaǵymdary men ótinishterin jedel qaraýǵa, olar kótergen máselelerdiń tez ári oń sheshilýine nazar aýdarylyp otyr.

"Bizdiń jumysymyzdyń negizgi maqsaty – "halyq únine qulaq asatyn ákimdik" qalyptastyrý. Ár aryz-shaǵymnyń artynda azamattarymyzdyń muń-muqtajy men taǵdyry tur. Sondyqtan, árbir máseleniń mańyzdylyǵyn eskere otyryp, tapsyrmalardy merziminde, sapaly oryndaýdy qamtamasyz etýimiz qajet. Berilgen tapsyrma múltiksiz oryndalýy tıis. Tapsyrmalardyń oryndalysyna birinshi basshy jaýapty ekendigin qatań eskertemin", dedi oblys ákimi Mahambet Dosmuhambetov.