Joba jetekshisi, Ruh.kz portalynyń Bas redaktory Azamat Baıǵalıulynyń aıtýynsha, jańa formatta jaryq kórgen shyǵarmalar qazirgi ýaqytta úlken mańyzǵa ıe bolyp otyr:
– Ár túrli oqıǵalardyń kýágeri bolyp júrmiz. Ásirese adamdardyń bir-birine qatigezdik, qııanat jasap jatatyn jaǵdaılary az emes. Al, ádebıet – ardyń isi, tárbıe máselesinde mańyzdy ról atqaratyn bilesizder. Sondyqtan da obal-saýap, adamdy súıý, qurmetteý, ómirge degen senim men qushtarlyqty arttyryp, qoǵamdy eńbekke baýlýǵa shaqyratyn shyǵarmalardy aýdıonusqada usynýdy jón kórdik, – dedi A.Baıǵalıuly.
Shyǵarmalardy Qazaq Radıosynyń ardageri, QR mádenıet qaıratkeri Amanjan Eńsebaıuly dybystaǵan. Olardy portaldyń YouTube jelisindegi arnasynan tamashalap tyńdaýǵa bolady.
Aýdıo jazbalardy jyl sońyna deıin elimizdegi JOO-na, jalpy bilim beretin orta mektepterge taratý josparlanǵan.
