Polısııa qyzmetkerleri izdestirý sharalaryna shuǵyl kirisip ketedi. Jan-jaqtan habar alynyp, suraýlar da júrgiziledi. Aqyry jylqylar kórshiles Teplıchnoe selosynyń mańyndaǵy ormannan tabylǵan. Bireýler olardy kúndiz ormanǵa toǵytyp, túnde ustap, soıýdy kózdese kerek. О́ıtkeni jylqylar ózdiginen ormanǵa kirmeıdi.
Sóıtip jylqylar tolyq sanynda ıesine qaıtaryldy. Alaıda jylqylarynyń qaraýsyz jaıylyp júrgeni úshin ol jaýapqa tartylyp, Ákimshilik quqyq buzýshylyq týraly kodeksiniń "Aýyl sharýashylyǵy janýarlaryn jaıý qaǵıdalaryn, ıtter men mysyqtardy asyraý jáne serýendetý qaǵıdalaryn, qańǵybas ıtter men mysyqtardy aýlaý jáne joıý qaǵıdalaryn buzý" jónindegi 408-baby boıynsha aıyppul tóleıtin boldy.
"Qaraýsyz erkin jaıylýdy boldyrmaý boıynsha aldyn alý jumystary udaıy negizde júrgizilediAýyl turǵyndaryna janýarlardyń ıeleri, baqtashylar men jergilikti ákimdikter arasynda úsh jaqty kelisimge otyrý arqyly maldy uıymdasyp baǵýǵa kóshý týraly usynys aıtyldy. Mamyr aıynyn bastap ýchaskelik polısııa ınspektorlary zańnamaǵa engiziletin ózgerister týraly halyq arasynda túsindirý jumystaryn júrgizdi. Soltústik Qazaqstan oblysy aýmaǵynda tamyz aıynan bastap aýyl sharýashylyq janýarlaryn baǵýdyń qaǵıdalary qoldanysqa engizildi. Budan bylaı erkin jaıylymda júrgen mal úshin ákimshilik jaýapkershilik qarastyrylǵan. Soǵan qaramaı maldaryn baǵýsyz jiberetinder áli de kóp", deıdi Qyzyljar aýdany polısııa bóliminiń bastyǵy polısııa polkovnıgi Álıhan Baıqadamov.
