"2-JEO-ny gazǵa kóshirý boıynsha júrgizilip jatqan jumystardyń barysymen tanystym. Gaz qubyry salyndy, jeldetý jabdyqtaryn, gaz qorǵaý júıelerin jáne qazandyqtarǵa montajdaý janarǵylaryn ornatý jumystary júrgizilip jatyr. Bıyl JEO-1 jáne JEO-2 gazǵa kóshirýdi josparlap otyrmyz.
Budan basqa, eldi mekenderde kvartalishilik gazben jabdyqtaý jelilerin salý boıynsha jumystar jalǵasyp jatyr.
Mysaly, Jeleznodorojnyı eldi mekeninde gaz taratý jelileriniń 100%, Promyshlennyı men Kóktal-2 95%, Kóktal-1-diń 80%-y salyndy. Bul jumystar Agrogorodok, Iýgo-Vostok eldi mekenderinde de júrgizilip jatyr. Bul eldi-mekenderdegi úılerdiń bir bóligi bıylǵy jylytý maýsymynda gazben jylytylýy múmkin. Qalany gazdandyrý prosesi úsh kezeńnen turady.
Úılerdi gazben jabdyqtaý jelilerine qosý úshin tehnıkalyq sharttardy tegin berý úshin úsh front-ofıs ashyldy. Bul Kóktal-1, Jeleznodorojnyı, Promyshlennyı turǵyndaryna arnalǵan. Jeke sektor turǵyndary úshin tegin eseptegishter qarastyrylǵan.
Elordany gazdandyrý – Elbasynyń tarıhı jobasy. Gazdandyrý prosesi Memleket basshysynyń baqylaýynda", dep jazdy Altaı Kólginov.
