Keri baılanys ornatýdyń taǵy bir quralyn iske qosty

– Biz osy ýaqytqa deıin jumys istep turǵan, ıaǵnı senim telefony, elektrondy úkimet portalyndaǵy tóraǵanyń blogy sekildi keri baılanys quraldaryna qo­symsha azamattarmen baılanysý úshin taǵy bir kommýnıkasııa arnasyn ash­tyq. Habarlamany QAJ tarapynan zań­syzdyqtarǵa tap bolǵan kez kelgen adam jibere alady. Bundaı baılanys bas bostandyǵynan aıyrý oryndaryndaǵy adamdardyń quqyqtaryn qorǵaý men saq­taýdy jetildirýge yqpal etedi, – deıdi QAJ komıtetiniń tóraǵasy Janat Eshmaǵambetov.

Ol úshin habarlamany nemese medıa-faıldardy WhatsApp messendjerindegi 8-776-677-80-77 telefon nómirine jibe­redi. Olarǵa jaýap osy nómir arqyly joldanatyn bolady.

QAJ komıteti tóraǵasynyń aıtýynsha, keri baılanystyń bul túri aza­mattardyń ótinishteri men shaǵymdaryn qaraýdy jeńildetedi. Bul jumys úshin operator bekitilgen, ol onlaın túrinde túsken habarlamalarǵa taldaý jáne monıtorıng júrgizip, komıtettiń tıisti qyz­metterine joldaıdy. Birde-bir ótinish jaýap­syz qalmaıdy. Azamattardyń óti­nish­­teri jan-jaqty ári obektıvti qa­ralý úshin múddeli organdardyń jáne bas bostandyǵynan aıyrý oryndarynda qoǵamdyq baqylaý júrgizetin uıym­dar­dyń ókilderi shaqyrtylatyn bolady.