Tikeleı efırdi 187 qoldanýshy tyńdap, kórgen. Qala turǵyny Alena Lytova bir jyl buryn róli oń jaqtan sol jaqqa aýystyrylǵan "Nissan Tiida" avtokóligin satyp alǵan. Aksııanyń ótkizilý merzimin biletin ol, Qostanaı qalasynan qaýipsizdik hattamasyn alyp, búgin esepke qoıý úshin júgindi. Alena tikeleı efırde nómirin qysqa merzim ishinde resimdegenin aıtyp, rızashylyǵyn bildirdi.
SQO PD Ákimshilik polısııa basqarmasynyń bastyǵy, polısııa podpolkovnıgi Jasulan Ospanovtyń aıtýynsha, óńirde "sary nómirdi" kólik quraldarynyń 256 ıesi alǵan, onyń beseýi oń jaqtan sol jaqqa qaıta jabdyqtalǵan. Budan basqa jeli qoldanýshylary jol belgilerine qatysty suraqtar qoıyp, baǵdarshamdar ornatylmaǵan "qaýipti" qıylystardy atady, mekenjaılarǵa ýchaskelik polısııa ınspektorlaryn jiberý týraly ótinishter de kóp boldy. Jalpy aksııanyń úsh kúninde qabyldaýǵa 327 soltústikqazaqstandyq júgindi.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
