SQO PD bastyǵynyń orynbasary, polısııa polkovnıgi Eńbek Sembınniń aıtýyna qaraǵanda mundaı faktiler zańdy jáne qorshaǵan ortadaǵy adamdar ómirin elemeıtindikti kórsetedi. «Ishimdikti táýir kóretinder jolǵa shyqqan saıyn adamdardyń ómiri men densaýlyqtaryna qaýip tóndiredi. Bıylǵy 11 qańtardan qylmystyń atalǵan túri úshin jaýapkershiliktiń qatańdatylǵanyn avtojúrgizýshilerge taǵy bir ret eskertkendi jón dep esepteımin. Endi, negizgi jazadan bólek, qylmyskerler avtokólik basqarý quqyǵynan ómir boıyna aıyrylady» , - deıdi ol.
Sot sheshimimen kólik júrgizý quqynan múlde aırylǵandardyń keıbiri qashan qaıta ustalǵansha rólge otyra beredi. Máselen, aqpan aıynda Qyzyljar aýdanynyń 29 jastaǵy turǵyny «Chelıabi-Novosibir» tas jolynda óziniń «Audi-80» kóligimen shyǵyp ketip, «Lada 217030» avtomashınasyn basyp ozamyn degende JKO jasap, tekserilgende onyń júrgizýshilik quqy joq ekendigi anyqtalyp, sot sheshimimen eki jylǵa bas bostandyǵynan aıryldy. Shilde aıynda onyń 37 jasar jerlesine de qatysty sot ótti, ol qonaqqa kelgen tanysymen ishimdikke toıyp alyp, tanysynyń «VAZ 21144» avtokóligimen júrip, ony aýdarǵan.
SQO-da jalpy, jyl basynan beri osyndaı 51 fakti anyqtaldy.
