Aýyl dárigerlerine arnalǵan semınar

Jaqynda partııanyń Ortalyq appa­ratynyń eriktileri men belsendileri júr­gizgen aýyldyq aımaqtardaǵy medı­­­­sınalyq qyzmetterdiń sapasyna júr­gizilgen monıtorıngtiń qorytyn­dy­syn shyǵardy. Taldaý aýyl tur­ǵyn­­darynyń kóptegen máselelerin kórset­ti. Sonyń ishinde medı­sınalyq perso­­naldyń, feldsherlik pýnkt­terdiń, dáriha­na­lardyń, jedel járdem mashı­nalarynyń jetispeýshiligi baıqaldy. Aýyl dári­gerleri korona­vı­rýstyq ınfeksııany emdeýde aqparattyń joqtyǵyna shaǵym­dandy. Osy monıtorıngten keıin «Aýyl» partııasy aýyldyq feldsherlerge arnalǵan onlaın-oqytý kýrstaryn uıym­dastyrýǵa sheshim qabylda-
dy.

Onlaın-kýrstardyń alǵashqy efırin Nur-Sultan qalasynyń dárigerleri, joǵary sanatty nevrolog-epıleptolog dáriger, «Astana medısına ýnıversıteti» KeAQ, Psıhıatrııa jáne narkologııa kýrsy bar nevrologııa kafedrasynyń dosenti Altynaı Muqashqyzy men joǵary sanatty nevrolog dáriger Gúlnázııa Sádýa­qas­qyzy ótkizdi. Spıkerler osy jaz­da provızorlyq ortalyqtarda jumys istep, indet juqtyrǵan naýqastardy emdeýde mol tájirıbe jınaǵan.

Beınekonferensııaǵa elimizdiń barlyq aımaqtarynyń aýyldyq eldi mekender dárigerleri qosyldy. Spıkerler Covid-19 sımptomdaryn sýyq tııýdiń belgi­lerinen qalaı ajyratýǵa bolatyny týraly praktıkalyq keńester berdi. Em­deý hattamalary týraly aıtyp, in­det­ten keıingi kezeńde pasıentterdi ońal­týǵa toqtaldy. Olardyń aıtýynsha, em­deýdiń tolyq kýrsynan keıin pasıent­terdi 3-6 aı baqylaýda ustaý kerek.

«Bul pasıentterdiń kópshiliginde asqynýlardyń bolýyna baılanysty. Kovıdtiń júrekke áseri kúshti. Sondyqtan qazir biz ınsýlt pen ınfarktpen aýyratyndardy kóptep kezdestiremiz», dedi G.Sádýaqasqyzy.

«Astana medısına ýnıversıteti» KeAQ, Psıhıatrııa jáne narkologııa kýrsy bar nevrologııa kafedrasynyń dosenti Altynaı Muqashqyzy atalǵan indetpen ekinshi ret aýyrǵan jaǵdaılar baryn alǵa tartty.

«COVID-19-ben aýyrǵan pasıentte antıdeneler paıda bolǵan soń qaıtalap aýyrmaıdy dep qatelesýge bolmaıdy. Qazirdiń ózinde naýqastar ekinshi ret aýyrǵan jaǵdaılar bar. Jańa týǵan neme­relerinen juqtyrǵan egde jastaǵy naýqastardy kezdestiremiz, olarda aýrý sımp­tomsyz ótedi», dep eskertti A.Elý­baeva áriptesterine. 

Beınekonferensııa sońynda spıkerler dárigerlerdi pasıentterin sportpen shuǵyldanýǵa yntalandyrýǵa, tynys alý jattyǵýlaryn jasaýǵa, jaqsy kóńil kúıde júrýdi umytpaýǵa jáne durys ta­maq­tanýǵa kóp kóńil bólýge shaqyrdy.