Tájirıbe kórsetkendeı, júgingen árbir besinshi adam armenııalyq nómiri bar avtokólik quralyn tirkeý tártibine qyzyǵýshylyq tanytty. Onyń ishinde 840-tan astam adam kólik quraldaryn rásimdeý boıynsha keńes aldy. Qazir bul eń ózekti másele bolǵandyqtan, kóptegen tilek bildirýshilerdiń barlyq suraqtaryna múmkindiginshe jaýap ala alatyndaı etip, azamattarǵa jaǵdaı týǵyzyp, aksııany jalǵastyrý týraly sheshim qabyldandy.
Áleýmettik jelilerde ishki ister organdary bólinisteriniń resmı akkaýnttarynda jarty myńnan astam tikeleı efır ótkizildi. Polısııa qyzmetkerleri 3,7 myń suraqqa jaýap berdi. Sondaı-aq azamattar «qaýyrt jeli» telefondaryna habarlasyp, 450 keńes aldy.
Nátıjesinde «Joldaǵy qabyldaý» aksııasynyń 2 kúninde Armenııa Respýblıkasynan ákelingen 900-den astam avtokólik tirkelgen. Sonymen qatar turǵyndardy ákimshilik aıyppul tóleý, júrgizýshi kýáligin berý jáne basqa da máseleler qyzyqtyrdy.
