Sharaına
Grýzııa halqy ótken jeksenbi, 27 qazanda ózderine jańa prezıdent saılap aldy. Árıne, Ortalyq saılaý komıssııasy áli qorytyndy nátıjeni jarııalaǵan joq, biraq G.Margvelashvılıdiń aıqyn jeńiske jetkeni qazirdiń ózinde belgili bolyp otyr. Tipti, ony ulyqtaý rásimi 17 qarashada bolatyny týraly da áńgimeler kóp aıtylýda.
G.Margvelashvılı «Grýzın armany» atty bılik partııasynyń ókili. Ony saılaýshylardyń 63 paıyzǵa jýyǵy qoldaǵan syńaıly. Onyń eń jaqyn qarsylasy, «Birlesken ulttyq qozǵalys» (M.Saakashvılıdiń partııalastary) partııasynyń ókili Davıd Bakradze odan úsh ese az daýys jınaǵan. Al lıderler úshtigindegi Nıno Býrdjanadzege saılaýshylardyń 10 paıyzdan artyǵy ǵana daýys beripti. Jalpy, saılaýǵa eldegi daýys berý quqy bar halyqtyń 46 paıyzy qatysqan. Azdaý sekildi me, qalaı?
Sharaına
Grýzııa halqy ótken jeksenbi, 27 qazanda ózderine jańa prezıdent saılap aldy. Árıne, Ortalyq saılaý komıssııasy áli qorytyndy nátıjeni jarııalaǵan joq, biraq G.Margvelashvılıdiń aıqyn jeńiske jetkeni qazirdiń ózinde belgili bolyp otyr. Tipti, ony ulyqtaý rásimi 17 qarashada bolatyny týraly da áńgimeler kóp aıtylýda.
G.Margvelashvılı «Grýzın armany» atty bılik partııasynyń ókili. Ony saılaýshylardyń 63 paıyzǵa jýyǵy qoldaǵan syńaıly. Onyń eń jaqyn qarsylasy, «Birlesken ulttyq qozǵalys» (M.Saakashvılıdiń partııalastary) partııasynyń ókili Davıd Bakradze odan úsh ese az daýys jınaǵan. Al lıderler úshtigindegi Nıno Býrdjanadzege saılaýshylardyń 10 paıyzdan artyǵy ǵana daýys beripti. Jalpy, saılaýǵa eldegi daýys berý quqy bar halyqtyń 46 paıyzy qatysqan. Azdaý sekildi me, qalaı?
Adam quqyn buzǵan «demokrat»
Nemis BAQ-tary AQSh prezıdenti Barak Obama Germanııa kansleri Angela Merkeldiń telefony tyńdalatynyn bilgen dep shýlasa da AQSh Ulttyq qaýipsizdik agenttiginiń (UQA) bul aqparatty teriske shyǵarǵanynan keıin únderi birshama saıabyrlap qaldy.
Biraq AQSh-tyń Eýropadaǵy basqa jaqtastary UQA-nyń bul qylyǵyna narazy ekendikterin jarııalaýda. «Tyńshy kabıneti» AQSh-tyń Berlındegi elshiliginiń 4-qabatynda oryn teýip kelipti. Keshe Ispanııa bıligi de AQSh-tyń bul isine narazy ekendikterin jarııalady. Amerıkanyń arnaýly qyzmetteri 2012 jyldyń bir aıynda ǵana Ispanııa azamattarynyń telefonmen sóılesken 60 mln.-ǵa jýyq áńgimelerin tyńdapty. UQA-nyń aty-jónin aıtýdan qashqan ınformatorynyń aıtýyna qaraǵanda, agenttik B.Obama bul isti toqtatqanǵa deıin álemniń 35 lıderiniń telefon áńgimelerin bes jyl boıy tyńdaǵan eken.
Bárinen qarapaıym halyqqa qıyn
Reseı shekarashylary Ýkraınamen eki aradaǵy shekaraǵa tikenek symnan aran tartýǵa kiristi. Atap aıtqanda, bul is Lýgansk oblysynda iske asýda. Árıne, mundaı qadam shekara mańynda turatyn turǵyndarǵa ońaı tıip otyrǵan joq.
Osy ýaqytqa deıin shekaranyń eki betindegi týysqandarymen emin-erkin aralasyp júrgen jergilikti turǵyndar daǵdarysqa ushyrap otyr. «Daýdyń basy Daırabaıdyń kók sıyry» demekshi, daýdyń bári Ýkraınanyń Keden odaǵyn kerek qylmaı, Eýroodaqpen baılanysty tereńdetýge bet burǵanynan ekenin eki eldiń halqy da jaqsy biledi.
Qysqa qaıyryp aıtqanda:
*Jurttyń bárin shýlatyp, kez kelgen eldiń tamaq ónimderinen kákir taýyp júretin Reseıdiń bas sanıtar dárigeri G.Onıshenko otstavkaǵa ketti.
*BUU men Arab memleketteri lıgasynyń ókili L.Brahımı keshe Damaskige arnaýly saparmen bardy. Onyń saparynyń maqsaty sırııalyqtarmen baılanys ornatýdyń qosymsha múmkindikterin qarastyrý bolyp otyr.
*Aýa raıynyń qolaısyzdyǵyna qaramaı, bıyl ózbek dıqandary 3,350 mln. tonna shıtti maqta jınaýǵa qol jetkizdi. Bul memleketpen jasalǵan kelisimshart mindetteriniń tolyq oryndalǵandyǵy degen sóz, dep habarlady SA-NEWS (UZ).
*Qyrǵyzstandaǵy tótenshe oqıǵalardyń saldarynan jyl basynan beri 12 adam kóz jumypty. Bul týraly Tótenshe jaǵdaılar mınıstri Q.Booronov habarlaǵan. Osy ýaqyt aralyǵyndaǵy materıaldyq shyǵyn 218 mln. sýmǵa teń bolǵan.
*Qytaı astanasynyń ortalynda bolǵan jol-kólik apatynyń saldarynan 11 adam zardap shegip, 3-eýi kóz jumǵan. Qazir oqıǵanyń sebebi men saldary tekserilip jatyr.
*Polshanyń eks-premer-mınıstri Tadeýsh Mazoveskı 86 jasqa qaraǵan shaǵynda qaıtys boldy. Ol «Solıdarnost» qozǵalysynda Leh Valensanyń janyndaǵy kóshbasshylardyń biri bolǵan edi.
Eski tóraǵa qaıtyp oraldy
О́tken senbi-jeksenbide Reseıdiń eń úlken saıası partııalarynyń biri – «Spravedlıvaıa Rossııanyń» kezekti sezi bolyp, onda partııa serkesi Sergeı Mıronov qaıtadan tóraǵa bolyp saılandy. 2011 jyldyń 16 sáýirinde bolǵan partııa sezinde ol tóraǵalyqtan shettetilip, tek depýtattar palatasynyń basshysy bolǵan edi.
Al buǵan deıin tóraǵa bolǵan Nıkolaı Levıchev onyń ornyna ketti. Oǵan qarsylas retinde tirkelgen peterbýrgtik Oksana Dmıtrıeva bar- joǵy jeti-aq daýys aldy.
Japonǵa ótpep edi, Qytaı bas saldy
Amerıkalyq «Boıng» avıajasaý kompanııasy Qytaıdan 200 ushaq satyp alatyndyǵy týraly rekordty tapsyrys alyp, tóbeleri kókke jetkendeı qýanýda. Buǵan deıin «Boıng» kompanııasy japon tutynýshylarynan 9 mlrd. dollarlyq kelisimsharttan aıyrylyp qalǵan bolatyn. Ony fransýzdyń «Eırbas» kompanııasy jeńip ketken.
Al Qytaımen aradaǵy kelisimsharttyń quny 20 mlrd. dollarǵa jetip otyr. Alynatyn ushaqtardyń bári de jaqyn magıstraldi dep atalatyn 737 markaly «Boıngter». Ony satyp alýshylardyń qatarynda Qytaıdyń jekemenshik avıakompanııalarymen qatar, memlekettik menshiktegi eń úlken kompanııa da bar. Aıta keterligi sol, osyǵan deıin bul ushaqtardan japon tutynýshylary bolar-bolmas kinárat tapqan bolatyn.
Qanisherge berilgen ádil jaza
Brıtanııanyń Bırmıngem qalasynda úsh meshitke qaraqshylyq shabýyl jasap, bireýinde qartań musylman azamatty óltirgen ýkraınalyq Lapshınge sot prosesi aıaqtaldy. Qaraqshy ádiletti jazasyn alyp, ómir-baqı túrmede otyrýǵa kesildi.
Úkimde tipti onyń merziminen buryn bosatylý múmkindigi tek 40 jyldan keıin bolady dep aıtylǵan. Qanisher Bırmıngemge Ýkraınanyń Dnepropetrovsk qalasynan Brıtanııanyń «Delkam» kompanııasyna tájirıbeden ótý úshin kelgen. Ol qoldan jarylǵysh qurylǵylar daıyndap, ony qalanyń úsh meshitinde qoldanǵan. Lapshın óziniń kinásin tolyq moıyndaǵan.
Internet materıaldary negizinde ázirlendi.
